ಪೂರ್ಣ ತೊಯ್ದು ಹೋದ ಮೇಲೆ
ಆಸರೆ ಇನ್ನೇಕೆ ಹುಡುಕಲೀ
ಬಿಡು ಮಳೆಯೇ
ನಾನೂ ನಿನ್ನಂತೆಯೇ ಸೂರಿಲ್ಲದವಳು!!

___________________

ಶತ್ರುಗಳನ್ನೂ 
ದ್ವೇಷಿಸಲಾರದವಳು
ಕೊನೆಗೂ ದ್ವೇಷಿಸಿದ್ದು
'ಪ್ರೀತಿ'ಯನು....

_____________________

ಕೆಲವರು ದುಡ್ಡಿನ ಹಿಂದೆ ಬಿದ್ದು
ಪ್ರೀತಿ ಕಳೆಯುತ್ತಾರೆ,
ಮತ್ತೆ ಕೆಲವರು ಪ್ರೀತಿಯ ಹಿಂದೆ ಬಿದ್ದು
ದುಡ್ಡು ಕಳೆಯುತ್ತಾರೆ,
ಇಷ್ಟಾದರೂ ಪ್ರೀತಿ ದುಡ್ಡಿನವರನು;
ದುಡ್ಡು ಪ್ರೀತಿಯವರನು ಕಳೆಯದೆ
ಅವರವರ ಹಿಂದೆ ಬಿದ್ದಿದೆ,, 

30/06/2014
__________________

ಪ್ರತೀ ಮುಂಗಾರಿನ ಮಳೆಗೂ
ಎನ್ನೆದೆ ಕಣ್ಣೀರೆ,,
ಈ ಬಾರಿಯ ಮುಂಗಾರು ಹಿಂಗಾರಿಗೂ
ನಡುವಿನ ಮಳೆಯೂ ಹೊರತಲ್ಲ,, 

29/06/2014