ದೊಡ್ಡ ದೊಡ್ಡ ಕನಸುಗಳಲ್ಲಿ
ನಿರೀಕ್ಷೆಗಳು ಬುಡಮೇಲಾದಾಗ
ಚಿಕ್ಕ ಚಿಕ್ಕ ಖುಷಿಗಳಲ್ಲಿ
ದೊಡ್ಡ ನಿರೀಕ್ಷೆಗಳು ಹುಟ್ಟಿಕೊಂಡದ್ದು ತಪ್ಪೇನಲ್ಲ,,!

04/06/2014

_____________________

ನಮ್ಮ ನೋವು ಹತಾಷೆಗಳನ್ನು
ಯಾವ ತೆರದಲೂ
ಹೊರಹಾಕಲಾಗದ
ಸ್ಥಿತಿಗಿಂತ
ಗೋರಿಯೊಳ
ಸೇರಿಕೊಳ್ಳುವುದೇ ಒಳಿತು,,
ಸೇರದಿದ್ದರೂ
ಕಟ್ಟಿಕೊಳ್ಳುತ್ತೇವೆ ನಾವೇ
ನಮ್ಮನಕೆ
ಶೂನ್ಯತೆಯ ರಾಜ್ಯಭಾರದ ಕಪ್ಪು ಕೋಟೆ,,,,,,,,,,,,

04/06/2014

_______________________

ಮೋಡವೇ ನಿನ್ನ ಮನವೇನೋ
ಎನಿಸುವಂತೆ ನನ್ನ ನೆನೆಸುತಿದೆ
ನಿನ್ನ ನೆನಪಿಸುತ್ತಿದೆ,,
ನೀನಲ್ಲೆಲ್ಲೋ ಮನ ನೊಂದಂತೆ,,,,

02/06/2014

________________________

ಈ ಬಯಲು ದಾರಿಯಲಿ
ಗುರುತು ಸಿಗದ ಹಾದಿಯನರಸಿ
ಗೆದ್ದಂತೆ ಅನಿಸಿ; ಸೋತಂತೆ ನಿಂತು,
ಆದಿ ಅಂತ್ಯದ ಸುಳಿವಿಲ್ಲವಿಲ್ಲಿ
ನಾನೇ ನೆಟ್ಟ ಮೈಲುಗಲ್ಲ ಮೇಲೆ
ನನ್ನ ಅಹಂನೊಂದಿಗೆ
ನಾನೊಬ್ಬಳೆ ಈ ಬಯಲಲಿ,,,,

01/06/2014

______________________

ಕೈ ಚಾಚಿದವರಿಗೆಲ್ಲಾ
ಕಣ್ಣು ಮಿಟಿಕಿಸಿ ಸಿಗಲಾರೆನೆಂದು
ಕೆಣಕಿ ನಕ್ಕು ಮಿನುಗುವ ತಾರೆ;
ಚಂದಿರನಿಗೆ ಸ್ವಂತವಾಗಿ ಕಂಡರೂ
ಆತನಿಟ್ಟ ಅಂತರ ಬಹು ದೂರ,, ದೂರ,, !

31/05/2014