ಕವನ

ಹೇಳು ನೀ ದೇವನೇ.....



ಸುತ್ತಲೂ ಬೆಳಕಿರಲು 
ನನ್ನೊಳ ಅಂಧಕಾರವ 
ಮುಚ್ಚಿಡಲಾರೆನೋ ದೇವ

ಸುತ್ತ ಸೂರ್ಯ ಕಾಂತಿ ಹೊಮ್ಮಿರಲು
ನನ್ನೊಳ ಮುಳ್ಳು ಬೇಲಿಯ 
ಬೆಳಸಲಾರೆನೋ ದೇವ

ಸುಳಿವ ತಂಗಾಳಿ ಸೆಳೆದಿರಲು 
ನಡುವಿನ ಒಂಟಿತನ ಸಂಕೋಲೆಯ 
ಬಿಡಿಸದೆ ನಿಲ್ಲಲಾರೆನೋ ದೇವ

ಶಬ್ಧಗಳೆಲ್ಲಾ ಶಬ್ದವಾಗಿರಲು 
ನನ್ನೊಳ ನಿಶ್ಶಬ್ದವ
ಕಾಯ್ದಿರಿಸಲಾರೆನೋ ದೇವ

ಹಸುರ ಹೊನ್ನು ರಾಶಿಯಿರಲು
ಒಳಗಿನ ಬರಡುತನವ 
ಇನ್ನೆಷ್ಟು ಸಹಿಸಲಿ, ಆಗದೋ ದೇವ

ಜಗದಗಲ ಹಬ್ಬಿದ ಪ್ರೀತಿಗೆ 
ನನ್ನೊಳ ಮೋಹ ಚೇತರಿಕೆಯ
ಸುಳಿವನು ಹೇಗೆ ಮುಚ್ಚಿಡಲಿ,
ಹೇಳು ನೀ ದೇವನೇ,,,

22/10/2014