ಕವನ

ಕ್ಷಮಿಸಿಬಿಡು ನೀ....



ನಿನ್ನನು ಅಲ್ಲಿ ಇಲ್ಲಿ
ಹುಡುಕಿ ಅವಮಾನಿತಳಾಗಿದ್ದು
ನನ್ನದೇ ತಪ್ಪಿದೆ;
ಕ್ಷಮಿಸಿಬಿಡು ನನ್ನೊಳಗೇ ಇರುವ ನಿನ್ನ
ಲಕ್ಷಿಸದೇ ಉಳಿದುಕೊಂಡೆ!

ಆಯ ತಪ್ಪಿದ ನಡೆಯಂತೆ
ಮನವೆಲ್ಲಾ ಕೊರಗು
ಕ್ಷಮಿಸಿಬಿಡು ನೀ ನನ್ನೊಳ ಒಲವೇ
ತಪ್ಪಲಾರೆ ಇನ್ನು ಎಂದಿಗು

ಏಸು ದಿನದ ಶ್ರಮವೋ
ನೀ ನನ್ನ ಶಾಂತ ನಿರ್ವಿಕಾರ ಕಾಂತಿ
ಕುಂದಿಸಿ ಬಿಟ್ಟೆ ನಾನೊಡನೆಯೇ
ಲಯ ತಪ್ಪಿದ ಗೇಯದಂತೆ

ಕದಡಿದ ಕೊಳದ ರಾಡಿಯಂತೆ
ಇನ್ನೆಷ್ಟು ಕಾಲ ಬೇಕೋ ಹಗುರಾಗಲು
ಸಹಕರಿಸಿ ಕ್ಷಮಿಸಿಬಿಡು 
ಓ ನನ್ನಯ ಮನವೇ
ಮತ್ತಾಗೆನು ಹೀಗೆ ಚಂಚಲ ಚಿತ್ತಳು!

23/10/2014