ಕವನ

ನಿತ್ಯ ನೂತನ ಆಸೆಗಳಲಿ
ಕರಗಿಸಲಿ ಹೇಗೆ ನಾ ಕನಸುಗಳ
ಕಾಣಬಾರದೆಂದು ಎಷ್ಟು ಬಿಗಿಹಿಡಿದರೂ
ರೆಪ್ಪೆ
ಅದ್ಯಾವ ಮಂಪರಿನಲಿ
ತೆರೆದುಕೊಳ್ಳುವುದೋ ಕನಸಿಗೆಬತ್ತಿ ಹೋದ ಪ್ರೀತಿಗೂ
ನೆನಪುಗಳ
ಬಸಿದುಕೊಂಡ ರೀತಿಗೂ
ಸೋಜಿಗದೂರಿನ ಆಹ್ವಾನ
ಇನ್ನೆಷ್ಟು ತಡೆಯಿಡಿಯಲಿ ನಿದಿರೆ
ಇನ್ನೆಷ್ಟು ಬಿಗಿದು ಹಿಡಿಯಲಿ ರೆಪ್ಪೆ
ಜಾರುತಿದೆ ಮನಸ್ಸು ಕನಸಿನೂರಿಗೆ
ಅರೆ ಬೆಂದ ಇಟ್ಟಿಗೆಗಳೊಂದಿಗೆ
ಬೆಂದುಕೊಳ್ಳೊ ಗೂಡಿಟ್ಟು
ಕಾಯಬೇಕಿದೆ ಸೂಕ್ತ ನೆಲೆಗೆ
ಇಟ್ಟು ಮನಸ ಹರವಲೊಂದು
ದಿಟವಾದ ದಿಟ್ಟ ದೀವಿಗೆ!..

13/10/2014