ಕವನ

ಜಾತಿ ಗ್ರಹ-ನಕ್ಷತ್ರ

ಆಹಾರಗಳ ಹಿಂದೆ ಜಾತಿಯನ್ನು ಹುಡುತಲಿದ್ದರು

ಈಗ ಅಕ್ಷರಗಳ ಹಿಂದೆಯೂ

ಜಾತಿಯನೇ ಜಪಿಸೋ ಮನಗಳು

ಎಲ್ಲಿ ಹೋದರೂ 

ಜಾತಿಗೇ ಅಂಟಿಕೊಳ್ಳುವವು!

ಕೊನೆಗಾಲಕೂ ನೀರ ನೀಡಲು ಬಂದ

ಜೀವಕೆ ಜಾತಿಕಟ್ಟಿ

ದೂಡಿ ನೀರಿಲ್ಲದೆ

ಜೀವ ಬಿಡುವಂತಾಗದಿರಲಿ;

ಆಶಯಗಳಿವೆ ಅವಕಾಶಗಳ ಕೊಟ್ಟು!

ಜಾತಿಗಳಿಂದೇ ಉಸಿರಾಡಿ

ಜಾತಿಗಳಿಂದೇ ನೀರು ಕುಡಿದು

ಸುಡುವ ಸೂರ್ಯನಿಗೊಂದು ಜಾತಿಯಿಟ್ಟು

ಭೂತಾಯಿಗೂ ಕೊಟ್ಟು ಜಿಗಿದುಬಿಡಲಿ ಹೊರಗೆ

ಜಾತಿ ಗ್ರಹ-ನಕ್ಷತ್ರಗಳನ್ನು ಹುಡುಕಿಕೊಂಡು!

25/12/2014