ಪ್ರತೀ ಬಾರಿಯೂ 

ಪ್ರೀತಿ ನೀ 

ತೊಟ್ಟು ಕಳಿಚಿದ ಹೂ ಬೀಳುವಂತೆ

ದೂರವಾಗುವೆಯಲ್ಲೇ

ಹೀಗೆ ನಿಧಾನದಿ...

ಏಕೆ?!

ನೀ ಕಾಣದೆ

ಗಾಳಿಯಲೇ ಕೈ ಉಳಿದು ಬಿಟ್ಟಿದೆ...

27/12/2014

****

"ಕಲ್ಪನೆ"

ಮುದವಾಗಿ ಹರಿವ ನೀರಿನ ಮೇಲೆ

ಗೆರೆ ಮೂಡಿಸಿ ಸಂಭ್ರಮಿಸಲು

ನಿನ್ನ ತೋರು ಬೆರಳನು ಹಿಡಿದೆ

ಹೂಗಳಂತೆ ಹೊಮ್ಮುತಾ 

ರೇಖೆಗಳು

ಪುಳಕಗಳು ನಮ್ಮೊಳ

ಅದ್ಯಾವ ಲೆಕ್ಕಾಚಾರ ತಪ್ಪಿಸಿ

ಬಂಧಿಸಿದೆ ನೀ 

ಐದೂ ಬೆರಳುಗಳ

ಹತ್ತು ಬೆರಳುಗಳಂತೆ!

26/12/2014

****

ಬಾಣಕ್ಕೆ ಎದೆಯೊಡ್ಡಿ ಚೀರಿಕೊಂಡ ಮಾತ್ರಕ್ಕೆ

ಗುರಿಯೇ ಅವರಾಗಿರಲಾರರು

ಹಿಂದಣ ಒರಟು ಹಲಸೂ ಆಗಿರಬಹುದು!

ತಿರುಗಿ ನೋಡಬೇಕಿತ್ತು; ಅರಿತು ಎದುರುಗೊಳ್ಳಬೇಕಿತ್ತು!

****

ಸಂತೆಯಲ್ಲಿದ್ದರೂ 

ಏಕಾಂಗಿ ಎನಿಸಲು

ಬಹುಶಃ ಅದು ನೀನಿಲ್ಲದ

ಖಾಲಿತನವೊ ಎಂದು

ಮತ್ತೆ ಭ್ರಮೆಯಾಗಿದೆ..

25/12/2014