ಕನ್ನಡಿ
ಬರೆಯುತ್ತಲಿದ್ದೆ ಬರೆಯುತ್ತಲಿದ್ದೆ
ಗೀಚಿದಂತೆ ವೇಗವಾಗಿ
ನಾ ಹಿಡಿದದ್ದು ಕನ್ನಡಿಯೆಂದು
ನೆನಪಾಗಿ; ಹಾ....
ಬೆಚ್ಚಿ ಗಾಬರಿ ಬಿದ್ದೆ
ಕನ್ನಡಿಯು ಹಾಳಾಯ್ತು;
ಜೊತೆಗದು ಎಲ್ಲರ ನೋಟಕೂ ದಕ್ಕಿತ್ತೆಂದು
ಮತ್ತೂ ಖಿನ್ನಳಾದೆ!
ನನ್ನ ಕನ್ನಡಿಯ ಈಗ ನಾನೇ ನೋಡದಾದೆ
ಊಹೆಗೂ ಮೀರಿದ ಛೇದಗಳಿದ್ದ ಕಲ್ಪನೆ
ನಾನು ನೋಡಲೇ ಇಲ್ಲ ಆ ನನ್ನ ಕನ್ನಡಿಯ
ಯಾರೋ ಕೂಗಿದಂತಾಯ್ತು;
''ಲೇ ಏನೇ ಚೆನ್ನಾಗಾಗ್ಬಿಟ್ಟಿದ್ದೀಯಾ?!!''
ಅಬ್ಬಾ, ಹೌದೇ?!! ನೋಡಿದೆ
ನನ್ನೆದುರು ನನ್ನ ಕನ್ನಡಿ ನಗುತ್ತಿತ್ತು
ಹಲವು ಮಸುಕಗಳ ತೊರೆದು!
21/12/2014
No comments:
Post a Comment