ಕವನ

ಪ್ರೀತಿ,,,


ಪ್ರೀತಿ ಎಂಬುದು
ಆಸೆಗಳನ್ನು ಮೀರಿದ್ದು
ಪ್ರೀತಿಯೇ ಆಗಿದ್ದರೆ
ಅದು ಕಾಮಕ್ಕೆ ಹೊರತು

ಕಾಮಕ್ಕೆ ವ್ಯಾಪ್ತಿಯುಂಟು
ಪ್ರೀತಿಗಿಲ್ಲ ಯಾವುದೇ ಬೇಲಿ
ಕಳೆದುಕೊಂಡ ಭಾವವೂ ಬಾಧಿಸದು
ಪ್ರೀತಿಗಷ್ಟೇ ನೀ ಸೋತಿದ್ದರೆ,,

ಕಾಮದ ನಶೆಯನ್ನೆಲ್ಲಾ ಪ್ರೀತಿ ಎನ್ನದಿರು
ಪ್ರೀತಿಗಿರುವುದು ಬರೀ ಎಚ್ಚರಗಳು
ಕಾಳಜಿ, ಮಮತೆ, ತ್ಯಾಗಗಳು
ತಲೆ ಚಿಟ್ಟು ಹಿಡಿಸೋ ಕಾಮನೆಗಳಲ್ಲ

ಪ್ರೀತಿಯೊಳು ನೀನಿಂತು ಅರಸದಿರು
ದೂರದ ಮೋಹ ತೀರಗಳಲಿ
ಪ್ರೀತಿಯೇ ನಿನ್ನೆದೆಯಂತೆ
ಅದರೊಳು ನೀ ನೆಟ್ಟ ಹೂ
ಶಾಂತಿ ಕಂಪ ಬೀರುವಂತೆ,,

ನಶೆಯಲ್ಲವೋ ಗೆಳೆಯ
ಪ್ರೀತಿಯೊಬ್ಬ ತಾಯಿಯಂತೆ!

27/07/2014