ನೀ ನಾಚುವ
ಆ ಘಳಿಗೆ
ನನ್ನೊಳಗೊಂದು
ಪುಳಕ ಹುಡುಗ,,

____________________

ಕಲ್ಪನೆಗೇ
ಕಳೆದು ಹೋದ
ವಾಸ್ತವದಿ ಹುಡುಕಾಟವಿದೆ
ಎಚ್ಚೆರಗೊಂಡು ಎದುರಾಗೆಯಾ ಗೆಳೆಯನೇ,,

___________________

ಒಡೆದು ಹೋದ ಕನಸುಗಳಲ್ಲಿ
ಹೊಳೆದವಷ್ಟೇ ಸೊಗಸು!

_________________

ನಾನೊಬ್ಬಳೇ
ಬದುಕಬೇಕೆಂದಿಲ್ಲ
ನನ್ನೊಡನೆಯೇ
ನನ್ನ ಸಹಿಸದವ
'ನೀನೂ
ಬದುಕು';
ಎನ್ನುವಂತಿದೆ
'ನೀರ'ಘನ ಮೋಡದಡಿಯ
'ಬೆಂಕಿ' ಮಿಂಚು!

ಒಮ್ಮೊಮ್ಮೆ
ಅವನು ಅವಳಾದರೆ
ಅವಳು ಅವನು,,

__________________

ಸಾವಿಗೂ ಮುನ್ನಿನ ಬದುಕಿಗೆ
ಬದುಕಾಗಿಬಿಡು
ಕಣ್ಣಲ್ಲೇ ಕಾಪಿಟ್ಟ ನಿನ್ನವಳ
ಹೂ ಕನಸುಗಳು
ಪಸರಿಸೋ
ಗಾಢ ಪರಿಮಳದಂತೆ
ಮಗುವಾಗಿ,
ವನವಾಗಿ,
ತಂಗಾಳಿಯಾಗಿ
ತೇಲಿಸೊಮ್ಮೆ
ಅವಳೆದೆ ಪ್ರೇಮಾನುರಾಗಗಳ
ಆಗಸದೆಡೆಗೆ
ಬದುಕೆಷ್ಟು ಸುಂದರವೆನಿಸಬಹುದು
ಅವಳ ಮಡಿಲ
ನಿನ್ನದೊಂದು ಕನಸು
ಮೂಡಿದಂತೆ
ನೆರೆತ ನಿನ್ನೆದೆ ಮಿಡಿದಂತೆ

________________

ನೋವ ಮುಳ್ಳಿಗೆ
ಸಾವಿರ ಹೂನಗೆಯ ಹೊದಿಕೆ
ದೂರದಿ ನೋಡಿ ಆನಂದಿಸಿ
ಹತ್ತಿರಾಗಿ ನೊಂದು ಜರಿಯದಿರಿ
ನನ್ನೊಡಲ ಮುಳ್ಳು ತಾಗಿ,
ಹೇಳಿರುವಳು ಗುಲಾಬಿ,,

13/05/2014