ಹೊರಗೆಲ್ಲಾ ತಂಗಾಳಿಯ ಹೊಯ್ದಾಟ
ನಾನೋ ಕಿಟಕಿಗಳ ಮುಚ್ಚಿ ಕುಳಿತು
ಬೆವತಿದ್ದೆ,,
ಅದೇನೋ ಮಿಂಚಿದಂತೆ ಬೆಳಕು;
ಇಣುಕಿದೆ,
ಓಹ್!,,,
ಮಳೆ ಬರುವ ಸೂಚನೆ,
ತಂಗಾಳಿಗೆ ಮೈಯೊಡ್ಡಿ
ಕಳೆದು ಹೋಗೋ ಹೃದಯ,
ಕಲ್ಪನೆಗಳಿಗಷ್ಟು ರೆಕ್ಕೆ ಪುಕ್ಕಗಳು,
ಸುಮ್ಮನೆ ಕುಳಿತಿರಲೆಂತು ಮನವು,
ಕೇಳೋ ಹಾಡಿಗೋ ಒಂದು ದೃಷ್ಯಾವಳಿ
ಕಣ್ಣಲೇ ಓಡಿಸುತ
ಪುಳಕಗಳಿಗಷ್ಟು ಕಚಗುಳಿ;
ಏಕೋ ಏನೋ ಈ ಸಮಯದಿ
ಒಳಗೊಳಗೆ ನಗು, ಉಲ್ಲಾಸ;
ಗಾಳಿಯದೇ ರಾಜ್ಯಭಾರ,
ಇನ್ನೂ ಮಳೆ ಇಲ್ಲ,,
ಆದರೂ ರೋಮಾಂಚನ!!!

_________________

ನನ್ನ ಕಲ್ಪನೆಯ ರಾಜ,
ಅದೇಕೋ ಕೊರಗಿದಂತೆ
ಸರಿದಿದ್ದಾನೆ;
ಪ್ರತಿಸ್ಫರ್ಧಿಗಳ
ಗುರುತಾಯಿತೋ?!
ತಿಳಿಯದು,,,

_______________________

ಮನಸು ನಿಂತಂತೆ ಎನಿಸಿದಾಗಲೆಲ್ಲಾ
ಓಡಿಸಿದ್ದೆ ಕಣ್ಣುಗಳ ಹಕ್ಕಿಗಳೆಡೆಗೆ
ಕಿವಿಗಳ ವೇಗದ ವಾದ್ಯಗಳೆಡೆಗೆ
ಓಡುವ ಕಾರೋ,, ಮುನುಗ್ಗೋ ಬಸ್ಸೊ
ಬಿರುಸು ನಡಿಗೆಯೋ,
ಹೆಚ್ಚು ಪ್ರಿಯ ನನಗೆ;
ಮನಸನೊಮ್ಮೆ ರಮಿಸಿ
ಮುನ್ನೆಡೆಸಲು
ವೇಗವ ಕಲಿಸಿ ಒಗ್ಗಿಸಲು,,,,

29/05/204

________________

ಬೀಸೋ ತಂಗಾಳಿ,
ಹಕ್ಕಿ ನಾದ
ಚಿಟಪಟ ಆಗೊಮ್ಮೆ ಈಗೊಮ್ಮೆ ಮಳೆ
ಮುಂಜಾವ ಕಿರಣ,
ಬೆಳದಿಂಗಳ ರಾತ್ರಿ
ಒಮ್ಮೊಮ್ಮೆ ಒಂದೊಂದರ ಜೊತೆ,
ಅವುಗಳ ಮೀರಿ
ನೀನಿರಲು ನನ್ನೊಳಗೆ
ನನಗೆಲ್ಲಿಯ ಒಂಟಿತನ!

_____________

'ಕನಸು'
ಎಂಬುದೆಲ್ಲಾ
'ಹುಸಿ' ಎನಿಸಿದಾಗ
ನೀನೂ ಇಲ್ಲ!

__________________

ಹೊಳೆವ ಕೆನೆಯ ನೋಡಿ
ಅಳೆಯದಿರು
ಅವಳ ಮನವ
ಒಳ ಪದರಗಳು
ಹಾಲೋ
ಮೊಸರೋ
ತಿಳಿದು ಉರಿಯಿಡು,,
ಮಥಿಸಿದರೂ ಒಳೆತೇ,,
ಆಂತರ್ಯಕ್ಕಿಳಿದು,
ಉರಿಗೆ ಉಕ್ಕದು,
ಸೀದು ಕರಗುವುದು
ನಿರೀಕ್ಷೆಗಳ ಹುಸಿಗೊಳಿಸಿ,,

28/05/2014