ಮತ್ತೊಮ್ಮೆ ಪಡೆದ
ಕಳೆದ ಸವಿ ಘಳಿಗೆ
ನನ್ನ ನಿನ್ನ
ಈ ಗೆಳತನ!!

__________________

ಆಡಂಬರದ ಬಣ್ಣಗಳೆಲ್ಲವ
ಕಂಡ ಮೇಲೆ,
ಬದುಕಿಗಾಗಿ ಹುಡುಕಾಟ,
ಜೀವನವಲ್ಲಿ ಶುರುವಾಗಿತ್ತು,,,,

____________________

ಈ ತೂರಿ ಬರುವ ತಂಗಾಳಿಗೆ
ನಿನ್ನ ಹೆಸರಿಟ್ಟೆ;
ನಿನ್ನಂತೆ ಹಾರಿ ಬಂದು
ತೂರಿ ಹೋಗೋ
ಅದರ ಒಳ ಸಂಚಿಗೆ!!..

24/05/2014

___________________________

ಕಂಡುಕೊಂಡ ಚಿಕ್ಕ ಖುಷಿಯ ಪ್ರಪಂಚದಲ್ಲಿ
ಚೂರು ಏರುಪೇರಾದರೂ ಮನವು
ಚಿಂತೆಯ ಗಾಳಕ್ಕೆ ಸಿಕ್ಕ ಮೀನು
ಒಂದೇ ಸಮನೇ ವಿಲವಿಲ ಒದ್ದಾಟ!

____________________

ಅಸಡ್ಡೆ-ತಿರಸ್ಕಾರಗಳಿಗಿಂತ
ಅವರುಗಳು
ಘೋಷಿಸಿಕೊಂಡ
ಅಹಂ; ನನಗೆ
ಹೆಚ್ಚು ಸಹ್ಯ..........

__________________________

ಪ್ರೀತಿಸಲು ಪದಗಳೇ ಬೇಕಿಲ್ಲ
ಮೌನವೂ ಪ್ರೇಮವೇ ಅರ್ಥವಾದೊಡೆ!

ಪ್ರೀತಿಗೆ ಅಂತರವೂ ನಗಣ್ಯ
ಆಂತರಿಕ ಒಲವಾದೊಡೆ!

ಈ ಪ್ರೀತಿಗೆ ಏನೇನೋ ಬೇಕಿಲ್ಲ
ಬರೀ ನಾನು ನೀನು ಅಷ್ಟೇ ಆದೊಡೆ!

ಕಾಲದ ಪರಿವೂ ಇಲ್ಲ, ಹಾದಿಯ ಹಂಗೂ ಇಲ್ಲ
ನೀನಲ್ಲಿ ನಾನಿಲ್ಲಿ ನೆನಪುಗಳೇ ಜೊತೆಯಾದೊಡೆ!

_______________

ತಲೆ ತಿರುಕರೆಲ್ಲಾ
ತನ್ನಿದಿರೇ ನೋಡಿ
ಎದುರಾದಂತೆ
ಎನ್ನ ವಿಶಾದಗಳಿಗೆಲ್ಲಾ
ಹೊಸ ಕಳೆ!

23/05/2014