ಈ ಕವನ........

ಈ ಕವನ

ಕೆಲ ಮನಗಳ ಹತ್ತಿರಾಗಿಸಿವೆ

ಕೆಲ ಮನಗಳನ್ನು ಕಲಕಿವೆ

ಮತ್ತೂ ಕೆಲವನ್ನು ಕೆಣಕಿವೆ

ಹಂಗಿಸಿದಂತೆ ಅಹಂ ಮೆರೆದು

ದೂರ ದೂಡಿದೆ

ಈ ಕವನ..

ಈ ಕವನ..

ಬದುಕ ಪ್ರೀತಿಲಿ ಬೆಸೆದಿದೆ

ತಡೆದು ನೋಡೋ ತಾಳ್ಮೆಯ ಬಿತ್ತಿದೆ

ಅತ್ತು ನಗುವ ಭಾಷೆಯ ತಿಳಿಸಿದೆ

ಸೋತರೂ ಗೆದ್ದಂತೆ, ಗೆದ್ದರೂ ಸೋತಂತೆ

ಸ್ಥಿತಪ್ರಙ್ಞೆಯಲಿ ನಿಲ್ಲಿಸಿದೆ

ಈ ಕವನ..

ಈ ಕವನ

ಗತವ ನೆನಪಿಸಿದೆ,,

ಆದರೂ ಅದೆಲ್ಲವ ಅರಗಿಸಿದೆ,

ಮನಕೆ ಕಿವಿಯಾಗಿದೆ,

ಸಾಂತ್ವನದ ಕೈಯಾಗಿದೆ,

ಖಾಲಿತನಕೆ ವಾಯುವಾಗಿದೆ,

ದನಿಯಾದರೂ ಮೊಳಗುವಂತೆ,

ಎದೆಯೊಳ ವದನ; 

ಕವನ ಸದನವಾಗಿದೆ

ನಿರಂತರ ಕಲಾಪ,

ಈ ಕವನ..

ಈ ಕವನ

ಬದುಕ ಕಟ್ಟಲಿಲ್ಲವೆಂದಲ್ಲ

ಬದುಕೊಳು ಕವನ ಕಟ್ಟಲಿಲ್ಲವಷ್ಟೇ

ಈ ಕವನ,, 

ಸರಕುಗಳ ಬೇಡಿಕೆಯಿಟ್ಟಿದೆ,

ಬಡವಿ; ನಾನದ ಒದಗಿಸದಾದೆ,,

ಸೋಲದೀ ಕವನ,

ಸೋತೆ ನಾ ಕದನ,,

'ಪೂರ್ಣ ಶರಣಾಗತಿ ಈ ಜೀವನಕೆ', 

ವಿರೋಧದ ಮಾತಿಲ್ಲ', 

ಕೇಳಿ ನಗುವುದೀ ಕವನ

ಈ ಕವನ....

ನನ್ನೀ ಕವನ...........

16/05/2014