'ಬೇಸರ', ಎಂದೆನಿಸಿದಾಗಲೆಲ್ಲಾ ಹುಡುಕಿದ್ದೆ 

ನನ್ನಲೇ ಕೆಲ ಮೆಚ್ಚುಗೆಗಳನು, 

ಮತ್ತೊಮ್ಮೆ ಮೆಚ್ಚಿ ಖುಷಿಪಟ್ಟೆ, 

ಬೇಸರಕೀಗ ಹೊರ ನೆಡೆಯೋ ಅವಸರ,, 

______________________

ನನ್ನೀ ಪರಧಿಯೊಳು 

ಬಂದ ನೀನು

ಈಗ ಹೊರಟರೂ 

ನಾನಿಲ್ಲೇ ನಿಂತ ಬಿಂದು

ಈ ಬಾಳ ವೃತ್ತದ 

ಪರಧಿಯೊಳು ಸುತ್ತೋ 

ಏಕಾಂಗಿ 

ಆದರೂ ಕ್ರೇಝಿ,, !! 

_________________________

ಅತ್ತು ಅತ್ತು ಸಾಕಾದ ಮೇಲೆ

ಹೂಗಳು ಅರಳಿದ್ದವು,

ಅವು ಕಣ್ಗಳೆಂದು ಗೊತ್ತಾದದ್ದು

ಹೊಳಪ ತಂದ ನಿನ್ನ ನಗುವಿಗೆ ಬೆರಗಾಗಿ ಹೀಗೆ

___________________

ನಿದ್ದೆಯಲಿ 

ನಾ ತಡಕಿದಷ್ಟೂ

ನಿನಗೋ 

ಮತ್ತೂ ಗಾಢ ನಿದ್ದೆ

ಈ ವಿರಹ 

ಬಿಸಿಯುಸಿರೂ 

ತಾಗದಂತೆ,,

30/04/2014

_____________________

ಆದ ಮನಸ್ತಾಪಗಳನ್ನೆಲ್ಲಾ

ಗೊತ್ತಿಲ್ಲದೆ ಮರೆತು 

ಮತ್ತೆ ಬೆರೆತು 

ಸಹಜ ನಲಿವಿನಲಿ 

ಬಾಳುವ ರೀತಿಗೆ 

ಬಹುಶಃ 

ಬದುಕು 

ಎನ್ನಬಹುದೇನೋ,,,

____________________

ಭ್ರಮೆಗಳಲೀ,,,

ಬಯಸಿದ ಭಾವ 

ಆ ಕ್ಷಣಕದು ಅಭಾವ

ಇನ್ನೆಂದೋ ಮತ್ತೆಲ್ಲೋ 

ದನಿ ಕೇಳಲು

ಮೀರಿದ 

ವೈರಾಗ್ಯವೇಕೋ 

ಪ್ರೀತಿಸಲಾರೆ, 

ಭಾವಗಳಿಗೆ ಬೆರಗಾಗಿ

ಮತ್ತೊಮ್ಮೆ 

ಜೀವ ಕೆಡುವಲಾರೆ,,

ಈ

ಭ್ರಮೆಗಳಲಿ,,,

_____________________________

ಯಾರ ದಾರಿಗೂ ಅಡ್ಡಿಯಾಗಿರಲಿಲ್ಲ

ಅವರವರ ದಾರಿಗಳ ಅವರೇ ಮರೆತಂತೆ ನಿಂತರೆ

ನನ್ನದೇನಿದೆ ತಪ್ಪು

ನಾನೋ ನಡೆವ ಹಾದಿಯ ಅವಸರದ ದಾಪುಗಾಲು...

29/04/2014

___________________________

ನಿನ್ನ ಕಣ್ಣ ಕನಸುಗಳ

ಕದ್ದುಬಿಡುವುದೇನೂ 

ಕಷ್ಟವಲ್ಲ ನನಗೆ,

ಸಿಕ್ಕಿಬಿದ್ದು ಹಿಂದಿರುಗಿಸುವಾಗಿನ 

ಒನಪು ನೆನದಷ್ಟೇ 

ಭಯ ಮಿಶ್ರಿತ ರೋಮಾಂಚನ

ಬಯಸಿ ಬಯಸದ ಶಿಕ್ಷೆ!

___________________________

ಕುಹುಕ ಅವಮಾನಗಳೆಲ್ಲಾ ಹಳತೇ ಆದರೂ

ಮತ್ತೆ ಮತ್ತೆ ಸಿದ್ಧಗೊಳ್ಳಬೇಕಿದೆ

ಹೊಸ ಹೊಸ ದಾರಿಗಳ ತಿರುವುಗಳಲಿ,,,

___________________________

ಕಮಲ ದಳದ ಮೇಲೊಂದು ಮುತ್ತು

ಕನಸೊಳು ನೀನಿರುವ ಹೊತ್ತು

ಹೊಯ್ದಾಡೋ ಕಾಮನೆಗಳು

ಸಂಜೆಗೆ ಮುದುಡೋ ಹೂವೊಳ ಗುಂಗು

ಮತ್ತೊಂದ ಹಗಲ ಯಾಚನೆಯಲಿ

ಅರಳೊ ಹೂವಿನ ಕನಸಿನಲಿ ನಿಶೆಗಿಲ್ಲಿ ಶರಣು,,

________________________

ಈ ನನ್ನ ಕಲ್ಪನೆಯ ಸಾಲುಗಳಲ್ಲೇ 

ನೀ ಬಲು ಚೆಂದ..

ನನ್ನನೆಂದೂ ದೂರ ತಳ್ಳುವ ಮಾತಿಲ್ಲ

ಇದ್ದರೂ ನಾನಾಗಲೇ ತಿದ್ದಿಬಿಟ್ಟಿರುವೆ.. 

__________________

ಬೇಡಿ ಬದುಕೊ ಭಿಕ್ಷುಕನಿಗೂ

ದನಿ ಏರಿ ಬೇಡೋ ಹಕ್ಕಿದೆ

ಆದರೆ ಪ್ರೀತಿ ಬೇಡಲು

ಉಗುಳು ನುಂಗಲು ಶಬ್ದದ ಭಯ..

ಪ್ರೀತಿ ತಲೆತಿರುಕರ ಹುಚ್ಚು ಸಾಹಸ... !!!

27/04/2014

__________________

ಕಣ್ಣೀರ ಬಸಿದ ಕೈಗಳು

ಹೆಣ್ಣುಗಳ ಯಾತನೆಯ ಚಿತ್ತಾರವ

ಚೆಂದವಾಗೇ ಬಿಡಿಸಿತ್ತು 

ಚಿತ್ರಪಟದ ಬೆಲೆ ಹೆಚ್ಚಿಸಿ

26/04/2014

____________________

ಖಾಲಿತನಕೆ 

ಹೆಚ್ಚು ಮಾತಂತೆ

ಆದರೂ 

ನಾ ಮೌನಿ,,

ಸುಳಿಯದ 

ನಿನ್ನ ಸ್ವರಕ್ಕೆ

ಗಾಳಿಯೊಳ

ಕಿವಿಯಾದ

ನಿತ್ಯ ಧ್ಯಾನಿ,,

ಖಾಲಿ ಪ್ರೇಮಿ!

25/04/2014

________________________

ಮೊರೆವ ಹರಿವು,,

ಧೋ ಎಂದು ಧುಮುಕಿ

ಕಿವಿಗಡಚಿ ರಭಸದಿ ಭೋರ್ಗರೆವ

ಈ ನದಿಯು,

ಅವಸವಸರವಾಗಿ ಹುಡುಕಾಡಿದ್ದು

ತನ್ನ ಮೊರೆತವ ತಡೆದು ನಿಲ್ಲಿಸೋ

ದಿಟ್ಟ ಗಂಡೆದೆಯ ತಟಕ್ಕಾಗಿ

ಸಂದರ್ಭವಿದಷ್ಟೇ ದೌರ್ಬಲ್ಯ 

ಅವಳದು,

ಆ ಕ್ಷಣಗಳು ಮೀರಿದಂತೆ

ನುಗ್ಗಿ ಹೊರ ಕಣಿವೆಗಳಲಿ ಹೊಮ್ಮಿ

ದೂರ ದೂರಿಗೆ ಸಾಗುವಾಗ ತುಳುಕಳು

ಶಾಂತಳು,

ಗಾಂಭೀರ್ಯವದು ಇವಳ ಹರಿವು,,

__________________

ಕಾಡುವಂತಿಲ್ಲ ಕನಸುಗಳು 

ಎಲ್ಲಾ ಅರೆಬರೆ ವಿಚಿತ್ರಗಳು

ಕೂಡಿಸಿ ನೋಡಲಾರೆ

ಗೊತ್ತದು ನಿನ್ನದೆ ಚಿತ್ರ!!

_________________

ನೀರೆಂದರೆ ಶಕ್ತಿ

ನೀರೆ ಎಂದರೂ ಶಕ್ತಿ 

ವಿದ್ಯುಚ್ಚಕ್ತಿ!! 

23/04/2014