ಕವನ

ಕನಸು

ಕನಸ ಕಟ್ಟೆ ಒಡೆದರೆ,

ಹರಿಯುವುದು ಕನಸು

ಹರಿಯುವುದು ಕನಸು

ಹರಿದು ನನಸಾಗುವುದು 

ಬಯಲ ಹರವಿನೊಳು

ಹಚ್ಚ ಹಸುರಾಗಿ,

ಅವರೆದೆಯ ಉಸಿರಾಗಿ

ಮತ್ತೊಂದು ಕನಸೇ ಆಗಿ,,

ಅಕ್ಷಯವಾಗಲೀ ಕನಸು

ಚಿನ್ನದಂತೆ ಚಿನ್ನವಾಗಿ,, 

ಹೊಳೆಯ ಹೊಳಪಂತೆ

ಜೀವಜಲಕೇ ಸರಿಸಾಟಿಯಾಗಿ

ಬಿದ್ದ ಬದುಕೂ ಎದ್ದು ಓಡುವ

ಕನವರಿಕೆಗಳು ಕೆನೆವಂತೆ

ಸ್ಫೂರ್ತಿಯಾಗೊ ಕನಸು

ಬೇಕೀ ಜೀವಕೆ, ತುಡಿವ ಭಾವಕೆ

ಅಪಹಾಸ್ಯಗಳ ಬೆಂಕಿಯ ದಾಟೋ 

ಹೊಸ ಹುಮ್ಮಸ್ಸಿಗಾಗಿ,

ಈ ಮನಸಿಗಾಗಿ, ದೂಡಿದ ನೆಮ್ಮದಿಗಾಗಿ

ಕನಸೀಗ ನನಗಾಗಿ ನನ್ನ ಜೊತೆಗಾಗಿ,,

02/05/2014