ನುಡಿದ(ಬರೆದ) ಮಾತ ಅಳಿಸಲಾರೆ
ಸಾಧಿಸೊ ಹಟವೆಂದಲ್ಲ,
ಸಾಧಕ ಬಾದಕಗಳ ಎದುರಿಸಿ
ನಿಭಾಯಿಸೋ ದಿಟ್ಟತನವೆಂದು

__________________

ಒಮ್ಮೊಮ್ಮೆ ಖಾಲಿ ಕೊಡವೂ
ಇಷ್ಟವಾಗುತ್ತದೆ
ಅದರ ಪ್ರಶಾಂತತೆಗೆ
ಸುಯ್ಯನೆ ಸುಳಿವ ಗಾಳಿ
ಅದರೊಳು ಹೊಮ್ಮಿಸೋ
ರುಯ್ಯೆನ್ನೊ ಲಯದ ನಿನಾದಕೆ,,

_______________

ದಿನವೂ ಪ್ರೀತಿಯಲಿ
ತಲೆ ನೇವರಿಸುವ ಕೈ
ಹಟಾತ್ ಸುಮ್ಮನಿರಲು
ಚಡಪಡಿಕೆಯಿದೆ;
ಹುಡುಕಾಟವೂ,
ಪ್ರೀತಿಯಿದೆ
ಮೋಹವೆನ್ನಲಾರೆ,,

______________________

ನಿದಿರೆ ಬಾರದ ರಾತ್ರಿಗಳಲಿ
ಇಲ್ಲಸಲ್ಲದ ನೆಪಗಳು, ದೂಷಣೆಗಳು
ಕಾಣದ ನಲ್ಲನ ಹೆಸರಿನಲಿ,,
_______________

ನನ್ನೀ ಗೆಲುವಿಗೆ
ನೀನು ಬೇಕಿತ್ತಷ್ಟೇ
ನೀನು ಅನ್ನುವುದಕೆ
ನಾನು ಹೆಸರಿಟ್ಟೆನಷ್ಟೇ

_________________

ಪ್ರಿಯರ ಏಕಾಂತವನ್ನೂ
ಪ್ರಶ್ನಿಸುವ ಹಕ್ಕಿಲ್ಲ
ಪ್ರೀತಿ ಸ್ನೇಹದ ನೆಪದಲ್ಲಿ
ಈ ಹುಡುಗಿಯರು...

09/05/2014
________________

ದಿನವೂ ಹುಟ್ಟಬೇಕು
ಸಾವಿನ ಪರಿವಿಲ್ಲದೆ

08/05/2014