ಜೀವನವು ಬಹು ಬಣ್ಣವೇನಲ್ಲ
ಕೇವಲ ಕಪ್ಪು-ಬಿಳುಪು
ಅಷ್ಟೇ,,
ಒಮ್ಮೊಮ್ಮೆ ಒಂದೊಂದು
ಹೊಳಪ ಪಡೆಯುವುದು
ಯಾವುದೂ ದಿಟವಲ್ಲ
ಯಾವುದೂ ಸ್ಥಿರವಲ್ಲ
ಆಯಾ ಕಾಲದ ಕಾಲಗಳು
ಆಯಾ ಬಣ್ಣದ ನಿಷ್ಟೆ,
ಬಿಳುಪಿಗೆ ನೆರಳಾಗಿ ಕಪ್ಪು
ಕಪ್ಪುನ ತೆರೆಯಾಗಿ ಬಿಳುಪು!
ಕಾಣುವ ಈ ನಾನು,
ನಾನೇ ಅಲ್ಲವೆನೋ
ಆ ನಾನು!

21/05/2014

_________________

ನಿನ್ನನ್ನು
ಕಳೆದುಕೊಳ್ಳುತ್ತಿರುವಂತೆ
ಭಾಸವಾಗುತ್ತಿರುವ
ಈ ಕ್ಷಣಗಳಲಿ,,
ಸಮಾಧಾನವೊಂದೆ
ನೀ ನನ್ನೊಂದಿಗೆ
ನಗುತ್ತಿರುವೆ
ನನ್ನೆದರು,,
ನನ್ನೊಳಗೂ,,,

__________________

ತಂಪಿಲ್ಲದ ಕಂಪು
ಕಣ್ಣು ಕುಕ್ಕೋ ರಂಗು
ಇದ್ದು ಉರುಳೋವರೆಗು
ಹೀಗೂ ಒಂದು ಹೂವು!!

20/05/2014

__________________

ಹೆಜ್ಜೆ ಜಾಡುಗಳ
ಹಿಡಿದು ಬಂದರೆ
ನನ್ನವರನ್ನೆಲ್ಲಾ
ನೀ ಸೆಳೆದುಕೊಂಡರೆ
ಈ ಹೆಜ್ಜೆ ಗುರುತುಗಳು,
ಮುಗ್ಧ ನನ್ನವರು
ನಿನ್ನವರಾಗಲೂಬಹುದು
ಆದರೆ ನಾನಲ್ಲ!!

19/05/2014