ಕಲ್ಲು ಕಬ್ಬಿಣವಾದರೂ
ಕಡೆ ಪಕ್ಷ ಲಾವವಾಗಿ ಹರಿದೀತು
ಆದರೆ ಮಾನವನೆದೆಯ ಅಹಂ...!?
ಪ್ರೀತಿಸುವವರ ಲಾವದೊಳು ನೂಕೀತು

*********************

ಬೇಟೆಗೆ ಪ್ರತೀ ಬಾರಿ 
ಕುರಿಯೇ ಸಿಗುವುದಿಲ್ಲ
ಭ್ರಮೆಯಲಿ ಹಿಡಿದದ್ದು ತೋಳವಾಗಿ 
ಮೇಲೆರಗಬಹುದು 

******************

ನಲ್ಲನ 
ಪಿಸುಮಾತಿಗೆ
ವೀಣೆ 
ಈ 
ಹೃದಯ ಮಿಡಿತ

*****************

ದೃಢ ಮನವಿದ್ದವ ಎಲ್ಲಿಯಾದರೂ
ಕನಸ ಹರವಿಕೊಳ್ಳಬಲ್ಲ
ಸೂರ್ಯ ರಶ್ಮಿಯ ನೆರಗು ಹಿಡಿಯಲು
ಬಾನಿಗೆ ನವರಂಗ ಪ್ರತಿಫಲಿಸಲು

******************

ದಣಿದ ಕಣ್ಗಳಿಗೆ
ಪ್ರೀತಿಯ ನೆನಪು
ಸವಿ ಮುತ್ತನೀಯಲಿ
ನಿದಿರೆಯ ಮಡಿಲಲಿ 

11/10/2013