ಅವಳು ಸುಮ್ಮನೆ ನಡೆದು ಹೋದಳಷ್ಟೇ
ಅಷ್ಟೇ ಆಗಿದ್ದರೆ ಚೆನ್ನಿತ್ತು
ತಿರುಗಿ ನೋಡಿಬಿಟ್ಟಳೇ!
ನೀಳ ಜಡೆಯ ಹಿಂದೆಸೆದೇಬಿಟ್ಟಳು

ನನ್ನ ಗ್ರಹಚಾರ; 
ಅವಳು ಮುಡಿದ ಮಲ್ಲೆ 
ಬರ್ರೆಂದು ಬಂದೆನ್ನ ನಾಸಿಕವ ದಾಟಿ 
ಎನ್ನೆದೆಗೆ ತಾಗಬೇಕಿತ್ತೇ?
ನಾ ಮೂರ್ಛೆ ಹೋಗಬೇಕಿತ್ತೆ?
ಅವಳೇ ಬಂದೆತ್ತಬೇಕಿತ್ತೇ?

ಇನ್ನೇಲ್ಲಿ ನಿಲ್ಲುವುದು...
ಈಗಲೂ ಅವಳೇ ಮೇಲೆತ್ತುತ್ತಾಳೆ
ನಾ ಬಿದ್ದಂತೆ ನಟಿಸುತ್ತೇನೆ 


****************************


ಬಯಸಿ ನೀಡಿದ್ದು ತ್ಯಾಗ
ಕಿತ್ತುಕೊಂಡದ್ದು ಶೋಷಣೆ


*****

ತ್ಯಜಿಸುವಷ್ಟು ಗಳಿಸಿಲ್ಲ,
ಗಳಿಸುವ ಆಸೆಯ
ತ್ಯಾಗದ ಹೆಸರಲಿ ಕೈಬಿಡಲಾರೆ

*****

ಜೀವನವಿಡೀ ತ್ಯಾಗವೇ ಆದರೆ
ಸ್ವಾರ್ಥಿಗಳ ನೋಡಿ ನಾ ಕರುಬುತ್ತೇನೆ 
ಮನಸ್ಸು ಮಾಗಿಲ್ಲ 

29/10/2013