ನಾಳೆಗಳಲಿ ಜೀವಿಸುವ ನಾವು
ಇಂದನ್ನು ನೆನ್ನೆಯೇ ಕಳೆದೆವೆನೋ
*******************

ನಮ್ಮ ಬದುಕಿಗೂ 
ಅಲ್ಲಲ್ಲಿ ಕನ್ನಡಿಗಳು ಕಂಡರೂ
ನೋಡುವ ಸಾಹಸವಿಲ್ಲದೆ 
ಮುಖವೇ ಬಿಳಿಪೇರುವುದು 
ಗುರುತಿಸಿಕೊಳ್ಳದೆ
*****************

ಕೆಲವೊಂದು ಸಮಯದ ಭಾವಕೆ ಪದಗಳಿಲ್ಲ
ನೀರವತೆ ಆವರಿಸಿದ ಅನುಭವ
ಸಮಯವೇ ಮುಂದೋಗದು
ಅದರೊಳು ನಿಲ್ಲಲೂ ಆಗದು
ಏನಿದು ಬರಿದು ಭಾವ
************************

ಗೂಬೆ ನನಗಿಷ್ಟ
ರಾತ್ರಿಯ ಗಾಂಭೀರ್ಯ
ಅದಕೂ ಅಂಟಿರುವುದರಿಂದ
*************************

ಮನದ ಕಲ್ಪನೆಗಳನೂ
ಕಸಿದುಕೊಂಡರೆ ಬದುಕು;
ಹತಾಶೆಯ ಜೀವ
ಮತ್ತಿನ್ನೆಲ್ಲಿ ಬದುಕೀತು

12/10/2013