ನೆಮ್ಮದಿಯ
ಕಾಣಲು,
ನೆಮ್ಮದಿಯ
ಪರಿಚಯವಿರಬೇಕು 

***

ನಿನ್ನ ಮೌನವನ್ನೇ ಅರಗಿಸಿಕೊಂಡಿದ್ದೇನೆ

ಮಾತಾಡಿ ಸುಳ್ಳಾಡಬೇಡ

ನಿನ್ನ ಸುಳ್ಳಾಡೋ ಮಾತಿಗಿಂತ

ನಿನ್ನ ಮೌನವೇ ಸಹ್ಯ ನನಗೆ 

*** 

ನಗು ನನ್ನ ಜೊತೆಗಾರ್ತಿ

ನಿನ್ನ ಮೊದಲು ನನಗೆ

ನನ್ನ ನಂತರ ನಿನಗೆ

***

ಅವಳ ನಿಟ್ಟುಸಿರ ಕಾವಿಗೆ

ಚಳಿಗಾಲದ ಮಂಜೂ 

ಬೇಸಿಗೆಯ ಹಬೆ!!

***

ಬರೆದು ಬರೆದು ಅಳಿಸಿದೆ

ನನ್ನ ವಿಷಾದಗಳ

ನೀನೋದಬಾರದೆಂದು

ನನ್ನ ವಿಷಾದಗಳನ್ನಷ್ಟೇ 

ನೆನಪಿಡುವ ನೀನು

ನನ್ನಂತರಂಗದ ಪ್ರೇಮಧಾರೆಯ

ಸೋಕಿಸಿಕೊಳ್ಳದೆ ದಾಟಿ ನಡೆಯುವ

ಉದ್ದ ಜಿಗಿತದ ಕ್ರೀಡಾಪಟು!! 

***

ಸಾಧುತನಕ್ಕಿಂತ ಕೆಣಕುವಿಕೆಯೇ

ಹೆಚ್ಚು ಕಾಡುವುದು 

ಮನದೊಳುಳಿದು,

ಅದಿಲ್ಲದೆ ಚಡಪಡಿಕೆ,

ಏರು ಪೇರಿನ ಜೀವನ

ಪ್ರಿಯವಾದ ಮೇಲೆ 

24/10/2013