ಕವನ

ಪರಿಹಾರ

ದಿನದ ಬಹು ಬೇಗೆಯ ಹೊತ್ತಲ್ಲಿ

ದೂರದೂರಿಂದ ಪ್ರಯಾಣಿಸಿ

ಮುಸ್ಸಂಜೆಗೆ ಮನೆಯ ತಲುಪಿದ್ದೆ

ಎಂದಿನಂತೆ ಕೆಲಸದಿಂದ

ಅದೇನೇನೋ ಯೋಚನೆ 

ಯಾತನೆಗಳಲ್ಲೇ ಇದ್ದೆ

ಪ್ರಶಾಂತದಿ ಈಗೊಂದು 

ಪುಸ್ತಕ ಹಿಡಿದು ಓದುವಾಗ

ಧಗೆಯೋ ಧಗೆ..

ರಾತ್ರಿಯ ತಂಪು ಮೆರೆಸುವಂತೆ

ಏನಾಯಿತೋ ಎಂಬಂತೆ 

ಮುಡಿಯೊಳು ಬೆರಳಾಡಿಸಲು 

ಮದ್ಯಾಹ್ನದ ಬಿಸಿಯು ಇನ್ನೂ ಆರಿಲ್ಲ

ಓಹ್! ಸಂಜೆಗೆ ಮುಡಿಯ ಬಿಚ್ಚಿದ್ದರೆ

ಆಗಲೇ ಈ ಬಿಸಿ ಉಸುರಿ ಹೋಗುತ್ತಿತ್ತು 

ಅದರಂತ್ಯವ

ತನ್ನ ಸ್ವಗತ

ಹೆರಳ ಬಿಚ್ಚಿ ಹರಡಿದೆ

ಬೆರಳಾಡಿಸಿ ಹೊತ್ತು

ರಾತ್ರಿಯ ತಂಗಾಳಿ ತುಸು ತುಸುವೇ 

ಸನಿಹವೆನಿಸಿತು..

ಅಂದಂದಿನ ಬಿಸಿಗೆ 

ಅಂದೇ ಪರಿಹಾರ 

ಪ್ರಯತ್ನಗಳಾಗಬೇಕು

ಒಳಗೊಳಗೆ ಕುದ್ದು

ಕರಕಲಾಗುವ ಮುನ್ನ! 

ಇಲ್ಲವೇ

ಬಿಸಿ ಆರಿ ಬಯಕೆ

ಬತ್ತುವ ಮುನ್ನ!

20/03/2015