ಕವನ

ಕನಸು

ಏಕಾಂತದೊಳು

ಕತ್ತಲನ್ನೇ ಹೆಚ್ಚು ಪ್ರೀತಿಸುವ

ಹೊತ್ತಿದು

ಕನಸು ಕಾಣುತ್ತಿರುವೆ

ಅದೇನೋ ಮಿಂಚಿದಂತಾಯ್ತು

ಮಿಂಚು ಹುಳುವೇ

ಸರಿ 

ಮುಂದುವರೆದ ಕನಸಿದು

ಈಗ ನೀನೂ ಜೊತೆಗಿರುವೆ

ಕನಸು ಸ್ಪಷ್ಟವಾಗಬೇಕಿದೆ

ಇನ್ನಷ್ಟು ಕತ್ತಲು ಮಾಡು

ಕಣ್ರೆಪ್ಪೆ ತೆರೆಯದಂತೆ ಮುತ್ತಿಟ್ಟು!

........

ಕಣ್ಬಿಟ್ಟರೆ ಕೊರೈಸೊ ಬೆಳಕು

ಕನಸಿನ ಕತ್ತಲೆ ಏನಾಯ್ತು

ನೀನು? ಮಿಂಚುಹುಳುವು? 

...ಅರೇ ಹಗಲೋ?!

ಹೋ

ಮುಂದೆ ಹಗಲುಗನಸೇ ಕಾಣಬೇಕು

ಬೆಳಕಿಗೆ ನೀನು ಹೊಂದಿಕೊಳ್ಳುವೆ

ನಾನೂ ನಿನ್ನೊಂದಿಗೆ!

07/03/2015