ಕವನ

''ಚಿತ್ತಾರ''

ಈ ಗೋಡೆ ಕಿಟಕಿಯ ಮೇಲೆಲ್ಲಾ

ನಾ ಬಿಡಿಸಿದ ವರ್ಣರಹಿತ 

ಚಿತ್ತಾರಗಳು

'ನಾನಿಲ್ಲದ ಹೊತ್ತಲ್ಲೂ

ಅದೇನು ಉತ್ಸಾಹ,

ಅದ್ಯಾವ ಪ್ರೇರಣೆ?'

ಎನ್ನದಿರು,

ನನ್ನದಿದು ಹವ್ಯಾಸ!

ಈ ಮನದ ಹರವು ಅದೇಕೋ 

ಸದಾ ಪಾದರಸದ ಚಿಲುಮೆ

ಏನು ಮಾಡಲಿ ನಾ?!

ನಿಲ್ಲಲಾರೆ ಲಾವವ ತಡೆದು

ಒರತೆಯ ಹಿಡಿದು!

ಚಿತ್ರಗಳೊ ಅವು ನನ್ನವು,

ಒಂದೆಡೆ ಸೂರ್ಯನ ಹೋಲಿದರೆ

ಮತ್ತೊಂದೆಡೆ ಚುಕ್ಕಿ-ಚಂದ್ರಮ

ಹೂವೂ-ಮುಳ್ಳುಗಳು

ಆಕಾಶ- ಪಾತಾಳಗಳೂ

ನೋವು-ನವಿರುಗಳು..

ಹೀಗೆಲ್ಲಾ ಮೂಡುವ ಚಿತ್ತಾರಗಳಿಗೆ

ನೀನೊಮ್ಮೆ ಬಂದು 

ತುಂಬಿಬಿಡು ಬಣ್ಣಗಳ

ಸಾಕಷ್ಟೇ; 

ಸಮಯವಿದ್ದರೆ 

ನಿನ್ನ ಕನಸ ಬಣ್ಣಗಳ

ಎರವಲು ಕೊಡು 

ನನ್ನೀ ಚಿತ್ತಾರಕೆ 

ಜೊತೆಲಿದ್ದು 

ಹೀಗೆಯೇ...

18/01/2015