ನಾ ಬರೆದದೆಲ್ಲಾ ನಾನೇ ಆದರೆ

ನನ್ನಾತ್ಮ ನಿನ್ನ ಹುಡುಕಲಿ

ನನ್ನ ಸಾಲುಗಳು ಆಗಲೇ ಸತ್ತಿದ್ದವು

ನಾ ಬರೆದದೆಲ್ಲಾ ನನ್ನ ಕಲ್ಪನೆಯೇ ಆದರೆ

ಆಗಲೂ ನನ್ನಾತ್ಮ ನಿನ್ನ ಹುಡುಕಲಿ

ನನ್ನ ಸಾಲುಗಳು ಮತ್ತೆ ಹುಟ್ಟಲು!

*****

ಕಂಡು ಕಾಣದೇ ಹೋಗುವವರ

ನಾ ಕರೆದೇಕೆ ತೊಂದರೆ ನೀಡಲಿ?

ಕಂಡು ಕಾಣದೆ ಹೋಗುವ ಅನೇಕ 

ಈ ಗಾಳಿ ಮಳೆ ಬೆಳಕು

ನಾ ಕರೆದೇನು ತೊಂದರೆ ನೀಡಲಿ

ಅದರದರ ಹರಿವಂತೆ ಹರಿದುಬಿಡಲಿ

ಜೊತೆಗೆ ನಾನೂ ಹೀಗೆಯೇ...

*****

ಕನಸ ಕಣ್ಣೊಳಗೆ

ಕಮಲ ಅರಳಿದ್ದು

ತಿಳಿದೇ ಇರಲಿಲ್ಲ

ನೀ ಬಂದು 

ಇಲ್ಲಿನ 

ಮುತ್ತುಗಳನ್ನು

ಆರಿಸಿಕೊಳ್ಳುವವರೆಗೂ...

08/01/2015

*****

ಮನದ ಪರಧಿ 

ವೃದ್ಧಿಸಿದಷ್ಟು

ಶೂನ್ಯಳಾಗುತ್ತಾ ಹೋದೆ

ಕಾಣದ ಬಿಂದುವಾಗುವ 

ಭಯವಿದೆ

ಮತ್ತೂ ಉಳಿದು ತುಂಬಿಕೊಂಡ 

ಖಾಲಿತನದ್ದು 

ಸಾವಿರ ಪ್ರಶ್ನೆಗಳು

ನಾ ಒಂದಕ್ಕೂ 

ಉತ್ತರಿಸಲಾಗದ್ದು!

07/01/2015