ಕವನ

ಓ ನನ್ನ ಗೆಳೆಯ....

ಏನನ್ನಾದರೂ ಹೇಳಬಾರದಿತ್ತೆ

ನಾನಾದರೂ ಇನ್ನೆಷ್ಟು ಆಕಾಶ ತೋರಿಸಿ

ಚಂದ್ರ ಚುಕ್ಕಿಗಳನು ಕಿತ್ತು ನಿನ್ನ ಕೈಗಿತ್ತೆನು

ಸೋತಿರುವೆ ನಾ ಈ ನಕಲಿ ಕನಸುಗಳಲಿ

ಮಾತಾಡಿಬಿಡು ಅದೇನಿದೆಯೊ

ಇನ್ನೆಷ್ಟು ಹೊತ್ತು ಕೊರಗು!

ಮೂರು ದಿನದ ಬದುಕೊಳು

ಆಗಲೇ ಒಂದು ದಿನ ಕಳೆದುಬಿಟ್ಟೆವು

ಹೀಗೆ ಮೌನಗಳಲಿ!

ಸುಮ್ಮನಿರಲಾರದ ಹುಟ್ಟಿನವಳು

ಮಾತುಗಳನ್ನಾದರೂ ಹೇಗೆ ಬಿಟ್ಟೇನು

ನೀ ಮೂಗನಾದರೂ ಕಣ್ಣರಳಿಸಿ ಕೇಳು

ವಾಚಾಳಿಯಾದರೆ ನಾ ಕಿವಿ ಮುಚ್ಚಿ ನೋಡುವೆ

ಓ ನನ್ನ ಗೆಳೆಯ,

ಹರಟಿಬಿಡು ನಿನ್ನೊಳಗು ಬರಿದಾಗಲಿ

ಏನಿದ್ದರೂ, ಇಲ್ಲದಿದ್ದರೂ

ಕಿವಿ ಹೃದಯ ಆನಿಸಿರುವೆ

ಬೇಗನೆ ರಿಂಗಣಿಸಿಬಿಡು ನನ್ನ ಗೆಳೆಯ 'ಚರವಾಣಿಯೇ'! 

24/01/2015