ಕವನ

ವ್ಯತ್ಯಾಸ!...

ಅವಳು... 

'ಮಗಳ' ಹೆಸರಿನವಳು

ಪ್ರತೀ ತಿಂಗಳೂ

ಬಸ್ ಪಾಸ್ ಮೇಲೆ

ತನ್ನ ಮನೆಯ ವಿಳಾಸ

ತಪ್ಪಿಲ್ಲದೆ ಬೆರೆಯುತ್ತಾಳೆ

ದಾರಿಯಲ್ಲೆಲ್ಲಾದರೂ 

ಹೆಚ್ಚು ಕಡಿಮೆಯಾದಲ್ಲಿ

'ತನ್ನವರು' ಎಂಬ ಹೆಸರಿನ 

ವ್ಯಕ್ತಿಗಳಿಗೆ

ಸುದ್ದಿ ಮುಟ್ಟಿಬಿಡಲಿ ಕೊನೆಗೆ 

ಎಂದು!

ಅವರು ನಿವೃತ್ತಿಯಂಚಿನ

'ಮಡದಿ- ತಾಯಿ'ಹೆಸರಿನ 

ಮಹಿಳೆ

ಅವರು ಆ ಅದೇ ಬಸ್ ಪಾಸ್ನಲ್ಲಿ

ತನ್ನ ಹೆಸರನ್ನಲ್ಲದೆ

ಮತ್ತೇನನ್ನೂ ಬರೆಯರು

ವಿಳಾಸವಂತೂ ಇಲ್ಲವೇ ಇಲ್ಲ!

'ತನ್ನವರಿಗೆ' 

ತೊಡಕಾಗಬಾರದು..

ಮನೆಯ ಕೀ ಸಹ 

ಪಾಸ್ನೊಂದಿಗೇ ಪರ್ಸಿನಲ್ಲಿರುವ ಕಾರಣ; 

ಎಲ್ಲಿಯಾದರೂ

ಕಳೆದರೆ ಯಾರಿಗೋ ಸಿಕ್ಕಿ

ಮನೆಯನು ಹುಡುಕಿ 

ಬಾರದಿರಲಿ ಎಂದು!

ವಿಳಾಸವು ಹೀಗೆಲ್ಲಾ ಬೇಕು- ಬೇಡಗಳಲ್ಲಿ!

05/01/2015