ಕವನ

ನಂಟು...

ತುಂಬಿದ ಹಾಲಿನ ಕೊಡಕೆ

ಹುಳಿಯ ಹನಿ

ತುಂಬಿದ ಮನಕೆ

ಅವರೆಸಗಿದ ಬೇಸರದ ಕಿಡಿ!

ಬುಸ್ಸೆಂದು ಬಡಿದು ಹೋಯ್ತು

ನಾನು ನಿಂತೇ ಇದ್ದೆ

ತುಸು ನಗು ಮಾಸಿತ್ತು

ಮನಸ್ಸು ತಿಳಿಗೊಳ್ಳುತ್ತಿತ್ತು!

ದಾಟಿ ಹೋದರು ಅವರು

ದಾಟಿ ಬಂದೆನು ನಾನು

ಮಧ್ಯದಲಿ ಎರಡಕ್ಷರ ವ್ಯತ್ಯಾಸ

ನನಗೂ ಅವರಿಗೂ ಹೆಸರಿನಲಿ!

ಇರಲಿ ಹೀಗೆ ನಂಟು, ಗಂಟುಗಳು

ಬಿಡಿಸುತ ಅಂಟುತ ನಡೆಯುವುದು ಸೊಗಸು

ಓರೆ-ಕೋರೆಗಳಿಲ್ಲದೆ ನಡೆದು 

ಜಡ್ಡು ಗಟ್ಟುವುದೂ ಬೇಡ ಕಾಲು, ಈ ದಾರಿ

ಹಾಗೂ ಹೀಗೂ ಒರಳಿ ತುಳುಕಿ 

ತಿರುಗಿ ಬಾಗಿ ನಡೆದುಬಿಡೋಣ

ನಾನಿನ್ನೂ ದಾಪುಗಾಲು 

ಅವರುಗಳೆದುರು...... !!

26/01/2015