'ನನ್ನ ಕಲ್ಪನೆ'

ಕಲ್ಪನೆಗಳೂ ಕಣ್ಮುಂದೆ ಬಂದು ನಿಂತರೆ

ನಾ ಕಲ್ಪಿಸುವುದ ಬಿಟ್ಟೇನು

ನೀನೊಂದು ನನ್ನ ಕಲ್ಪನೆ

ಇದ್ದುಬಿಡು ಅದರೊಳು ಸುಮ್ಮನೆ!

***

'ರುಚಿ'

ಪ್ರೀತಿಗೂ ಮಿತಿಯಿರಬೇಕಂತೆ

ಇಲ್ಲದಿದ್ದರೆ ಪ್ರೇಮಿಗೆ 

ಅಮೃತವೂ

ರುಚಿ ಕೆಡಿಸುವುದಂತೆ!

***

'ನೆನಪು'

ಮಾಸುವ ನೆನಪಿಗೆ ಹಗೆ ಸಾಧಿಸುವ ಹಟ

ತಿರಿದೇ ತೀರುವುದು ಬದುಕಿನ ತುಣುಕ

***

'ಸೆಣೆಸಾಟ'

ವಿಷಾದಗಳೇ ಹೆಚ್ಚಿ ನಶೆಯಂತಾಗಿದೆ

ತಲೆ ತಿರುಗಿ ಕಣ್ಕಾಣದಂತಾಗಿದೆ

ಭ್ರಮೆಗಳೂ ದಿಗ್ಭ್ರಮೆಗೊಂಡಿವೆ

ಕಾಲನ ಕೈಯೊಳು ಬಂಧಿಯಾಗಿದೆ

ಈ ಎನ್ನ ಮನಸನು ರಮಿಸಲಾಗದೆ

ನಿನ್ನತ್ತ ಓಡುವ ಓಟವ ನಿಲ್ಲಿಸಲಾಗದೆ!

21/12/2013