ಅವನೇ ನನ್ನನು ಆವರಿಸಿ
ಗಂಧವನ್ನೇ
ಮುಚ್ಚಿಟ್ಟುಕ್ಕೊಂಡೆ ಸೆರಗಿನಲಿ
ಗಾಳಿ ಬಳಿ ಸಾರಿ ಸವೆದು
ಹೊತ್ತೊಯ್ಯಿತು ಸುಗಂಧವಾಗಿ
ಹೃದಯವ
ಮುಚ್ಚಿಟ್ಟೆ ಕೋಪದಡಿ
ನಗುವೇ ಎರಗಿ
ದೋಚಿ ಹೋಯ್ತು
ನಾನು ಖಾಲಿ ಖಾಲಿ
ಕನಸನು
ಮುಚ್ಚಿಟ್ಟೆ ರಾತ್ರಿಯ ಕತ್ತಲ್ಲಲ್ಲಿ
ಬೆಳಕೇ ಹರಿದಾಡಿ
ಹುಡುಕಿಕೊಂಡಿತು
ನನ್ನನು ನಿದೆರೆಗೆ ತಳ್ಳಿ
ಅವನನ್ನು
ಈಗ ಬಚ್ಚಿಟ್ಟುಕೊಳ್ಳುವ
ಪ್ರಯತ್ನದಲ್ಲಿ
ಅವನೇ ನನ್ನನು ಆವರಿಸಿ
ನಾನೋ ಚಿಟ್ಟೆ ಅವನೆದೆಯಲಿ...
28/04/2015
No comments:
Post a Comment