ಬದುಕು ಹೇಗೇಗೋ ಒಡುತ್ತಿದೆ
ಎನ್ನುವಾಗಿನ ಮನದ ಕ್ಲೇಶ
ಶಮನವಾದದ್ದು,
'ಬದುಕು ಓಡುತ್ತಿದೆ'
ಎನ್ನುವ ಸತ್ಯದಲ್ಲಿ
***
ಚಿಂತನೆಗಳು ಶುರುವಿಕ್ಕಲು
ಸರಕುಗಳು ಬೇಕು
ಆತಂಕ ಅನುಕಂಪಗಳ
ಅನುಭವಗಳೊಟ್ಟಿಗೆ
ಸತ್ಕಾರ, ತಿರಸ್ಕಾರ, ಸಂಸ್ಕಾರಗಳ
ಪರಿಷ್ಕೃತ ಲೇಪ;
ಬದುಕಿನ ತೀಡಿದ ಬಹು ರೂಪ.
***
ನಿದ್ದೆ ಬರುವ ಹೊತ್ತಿಗೆ
ಕೋಪ ತಾಪವಿಳಿದು
ಮುನಿಸಿದ್ದರು
ಬರಸೆಳೆವಂತ ನೆನಪು
ಅವನದ್ದಾಗಿರಲು,
ಇನ್ನೆಲ್ಲಿಯ ಹಟ ನನ್ನಲಿ
ಕನವರಿಕೆಯ ಕನಸುಗಳು
ಸರಿಗಮ.. ಹಾಡಿರಲು...!
30/11/2013
No comments:
Post a Comment