ಇದು ನಾನಲ್ಲ!
ಸಹಿಸದ ಕಣ್ಣನ್ನು
ಒರೆಸುವ ಶಕ್ತಿ ಎನಗಿಲ್ಲ
ಹರಸುವ ಮನಗಳಿಗೆ
ಎನ್ನ ಕಣ್ಣ ಕಾಡಿಗೆಯ ದೃಷ್ಟಿ ಬೊಟ್ಟು!
ಕಾಡುವ ಸಾಲುಗಳನು
ಎದೆಯೊಳಿಟ್ಟು ಪೂಜಿಸುವೆನು
ಕದಡಿದ ಮಾತುಗಳ ಬಿಟ್ಟುಕೊಟ್ಟೆ
ಹೃದಯ ಹರಿಕೊಟ್ಟು!
ಅವರಿವರ ಕಣ್ಣುಸಿರ ಕಸಿದು
ನಿಂತಿದ್ದೆ; ಅದು ಶಾಪ
ಕಣ್ಣೊಳಗೆ ಬಿಂದವೇ ಮಸುಕು
ಉಸುರಿ ಆಗಾಗ ನಿಂತ ನೆಲವೇ ಬಿರುಕು!
ಕಣ್ಣೊರೆಸುವ ಕೈಯಿಲ್ಲ ಎನ್ನಲಿ
ಮಡುಗಟ್ಟಿದೆದೆಯಲಿ ಹರಿಯದ ವಿಷಾದ
ಹನಿಗಳಿದ್ದರೂ ತೂಗದ ಭಾವ
ಭರ್ತಿಯಾಗಿ ನಿಂತಿದೆ ಸಿಡಿದುಬಿಡಲೆಂಬ ಹಂಬಲವು!
ಇದು ನಾನಲ್ಲ
-ವೆಂದು....
07/05/2015
No comments:
Post a Comment