ಯಾವ ಪಾತ್ರವೋ
ಎಷ್ಟು ತಡೆದರೇನು
ಆಗುವ ಅನುಕೂಲ -ಆಘಾತಗಳು
ಎಲ್ಲವೂ
ಒಂದು ರೀತಿಯ
ಕೈ ಮೀರಿದವು!
ಹಣೆಯ ಬರಹವನ್ನು
ಮತ್ತೆ ಮತ್ತೆ ಮುಟ್ಟಿ ನೋಡಿಕೊಳ್ಳುವಂತೆ
ಆಗಾಗ ತಲೆ ಬಾಚಿ ಬೊಟ್ಟಿಟ್ಟುಕೊಳ್ಳೊ
ಪ್ರಯತ್ನಗಳು
ಎಷ್ಟು ಏಳುವುದೋ
ಮತ್ತೆಷ್ಟೆ ತೆವಳುವುದೋ...
ಅಂದುಕೊಂಡಂತೆಲ್ಲಾ ಏನೂ ಇಲ್ಲದೆ
ಆಗದ್ದು ಆಗಿ ಹೋಗಿ
ಆಗದಕ್ಕೆ ಕೊರಗಿ ಕೊರಗಿ ತಲೆ ಬೇನೆ
ಹೊಟ್ಟೆ ಕಿವುಚಿ ಸಂಕಟ...
ಯಾವುದನ್ನೂ ತಡೆಹಿಡಿಯಲಾಗದು
ನೋವನೂ ಹಾಗೆಯೇ ನಲಿವನು
ಯಾರ ದೃಷ್ಟಿಯೋ, ನಿಟ್ಟುಸಿರೋ
ಬಸಿರು ಕಟ್ಟಿ ಹಿಂಡುವ ಕರುಳು..
ಎದುರು ಕಣ್ಣರಳಿ ನಿಲ್ಲೋ
ಅನೇಕ ಪ್ರೇಕ್ಷಕರು
ನನ್ನದಿದು ಯಾವ ಪಾತ್ರವೋ...
ಪ್ರಶಂಸೆಗಳು ನಿರಂತರ...
09/06/2015
No comments:
Post a Comment