ಕವನ

''ಹಕ್ಕಿ''

ನೆಲವ ಬಿಡುವ ಮುನ್ನ

ರೆಕ್ಕೆ ಬಡಿಯಲೇ ಬೇಕಿದೆ

ಸುಮ್ಮನೆ ಎಂದೇ 

ಕೆಲವಷ್ಟು ಕೆಲಸ ಸಾಗಬೇಕಿದೆ!

ಹಕ್ಕಿ ರೆಕ್ಕೆಗೆ ನೀರಿಟ್ಟು 

ಮಿಂಚಿಸುವರ್ಯಾರು

ಬಡಿದ ರೆಕ್ಕೆಗೆ ತೆಕ್ಕೆ ಕೊಟ್ಟು

ಮೇಲೇರಿಸುವವರ್ಯಾರು!

ಹಾರುವುದು ಹಕ್ಕಿ

ರೆಕ್ಕೆ ಇರುವುದೆಂದಲ್ಲ

ಬಾನೇರುವುದು ಹಕ್ಕಿ

ನೆಲವ ಮರೆತಿದೆ ಎಂದಲ್ಲ!

ರೆಕ್ಕೆ ಬಡಿದು ಹಕ್ಕಿ ಹಾರಿ

ದೂರದಲೆಲ್ಲೋ ಕಾಳ ಹೆಕ್ಕಿ

ನೆಮ್ಮದಿಗಷ್ಟು ಗೂಡ ಕಟ್ಟಿ 

ಕನಸ ಕೂಸಿನ ರೆಟ್ಟೆ ಬಲಿಯಲು 

ಮತ್ತೆ ಮತ್ತೆ ಹಾರಿದೆ ಹಕ್ಕಿ ಸಾಲು!

09/11/2014