ಈ ಭಾವಗೀತೆ ...
ಇದ್ದ ಭಾವಗಳನ್ನು ಇಲ್ಲದ ಕವಿತೆಗಳಲ್ಲಿ
ಹುಡುಕಿದ್ದೇ ಒಂದು ತಪ್ಪು!
ಇದ್ದ ಕವಿತೆಗಳಲ್ಲಿ ಇಲ್ಲದ ಭಾವಗಳನ್ನು
ಕಂಡುಕೊಂಡಿದ್ದೂ ಮತ್ತೂ ತಪ್ಪೇ!
ಎಷ್ತು ತಪ್ಪು ಲೆಕ್ಕಾಚಾರಗಳೊ ಈ
ಭಾವಗೀತೆಗಳಲಿ; ಹಾಡಿರುವೆ ನಾ
ಉಸಿರು ಕಟ್ಟಿ, ನಿಲ್ಲಿಸಲಾಗದು
ಇನ್ನೂ ಉಸಿರಿದೆಯಾದ ಕಾರಣಗಳಲಿ!
ತಪ್ಪೋ ಸರಿಯೋ ಅಂತೂ ಹಾಡಿದೆ
ಈ ಎದೆಯೊಳಗೆ ನಿರಂತರ ಮೊಳಗುತ
ಆಕಸ್ಮಿಕಗಳಾಗಿ ಹಿಮ್ಮೇಳಗಳು ಒಮ್ಮೊಮ್ಮೆ
ಕೈ ತಟ್ಟೋ ಮನಸ್ಸುಗಳ ಬೆನ್ ಚಪ್ಪರಿಕೆ
ಸಾಲು ಮುಗಿವ ಮುನ್ನ ಹಾಡು ನಿಲ್ಲದಿರಲಿ
ಎಂಬ ಆಶಯವಷ್ಟೇ ಈ ಎಲ್ಲಾ ತಪ್ಪುಗಳ ಸರಣಿ ಬಯಕೆ!
ಕಂಠ ಸವೆದರೂ ಗುನುಗಿ ಮುಗಿಸೇನು
ಹುಮ್ಮಸ್ಸಿನ ಉಸಿರಿರಲಿ ಹಾಡಿನೊಳಗೆ!
02/11/2014
No comments:
Post a Comment