ನದಿಯು...
ನದಿಯು (ನೀರು) ಹಳ್ಳ ಬಿದ್ದಲ್ಲಿ ಹರಿಯುತ್ತದೆ
ಧುಮುಕೊ ಭರದಲಿ
ಆಗಾಗ ಕದಡುತ್ತದೆ!
ಮತ್ತೂ ಹರಿಯುತ್ತದೆ
ಇನ್ನೆಲ್ಲೋ ತಿಳಿಗೊಳ್ಳುತ್ತದೆ
ಹರಿಯುವುದು ತಿಳಿಗೊಳ್ಳುವುದು
ನಿಂತು ಕಾಲ ಮರೆವುದು
ನೀರ ಗುಣಕ್ಕದು ಹೊರೆಯೇ ಅಲ್ಲ
ಆದರೂ ಕದಡಿದಾಗ ನೊಂದು
ತಿಳಿಗೊಂಡಾಗ ಕಾಲನೊಡನೆ ಹೊಳೆಯುತ್ತದೆ
ಸಾಗರವ ಸೇರುವ ಹೊತ್ತಿಗೆ
ನದಿಯ ಕತೆಯದು ಅಂತ್ಯ
ರೋಚಕಗಳೇನಿದ್ದರೂ
ಈ ನಡುವಿನ ಹರಿಯುವಿಕೆಗಳು,
ಹೊಳೆಯುವಿಕೆಗಳು!
16/11/2014
No comments:
Post a Comment