ಕವನ

ಯಾರಿಗೆ ಯಾರುಂಟು!



ಈ ನಡುವಿನ ಹೊಯ್ದಾಟದಲಿ
ನಿಂತ ನೆಲದ ಅಸ್ಪಷ್ಟ ಬಿಂಬ!
ಮರೀಚಿಕೆಗಳ ಹಾರಾಟ,
ಅನಿಸುವುದು ಹಿಗೆಯೇ; 
ಮಿಕ್ಕಿದ್ದ ಬದುಕು ಅದು ನನ್ನದಲ್ಲ 
ಮಿಕ್ಕವರ ನಗೆಯ ಪಾಲು!
ಬದುಕಿದ್ದ ಅಷ್ಟು ದಿನ
ನಾನು ನಾನಾಗಿರಲೇ ಇಲ್ಲ
ಗೊತ್ತಿದೆ ಬದುಕು ಒಮ್ಮೆಲೇ ಜಗ್ಗಿ ಬಿಡುವುದಿಲ್ಲ
ತುಸು ತುಸುವೇ ವಾಲಿಸಿ
ನೆಲವ ನೇವರಿಸುವುದು ತಲೆಗೂದಲು
ಆಗಲಾದರೂ ಒಮ್ಮೆ ಎಚ್ಚತ್ತಾನೇನೋ ಮನುಜ
ಎಂಬ ಬದುಕ ಆಶಯ!
ಯಾರಿಗೆ ಯಾರುಂಟು?! ಯಾರೂ ಇಲ್ಲ
ಜೀವಕೆ ಬದುಕೇ ಬೆಂಬಲ!
ಬದುಕ ಪಡೆಯಲು
ಈಗೀಗ ಅದೇಕೊ ಬದುಕಿಬಿಡುವ ಹಂಬಲ!

30/10/2014