ಕವನ

"ಆಸೆ"

ಸುತ್ತಲ ಅಸ್ತವ್ಯಸ್ತಗಳೆಲ್ಲಾ

ನಗಣ್ಯವಾಗಿ ಹೋಗಿದೆ

ಎಲ್ಲಿದ್ದೆನೊ ಎಲ್ಲಿಲ್ಲವೊ

ಮತ್ತೆಲ್ಲೋ ಇದ್ದಂತೆ

ಎಲ್ಲವೂ ಒಂದೇ ಆಗಿದೆ

ನೆಮ್ಮದಿಯಾಗಿರದ 

ಜೀವವಿದು

ಹೇಗೋ ನೆಮ್ಮದಿಯ 

ಅನುಭವಿಸುತ್ತಿದೆ

ಎಲ್ಲಿಯವರೆಗೂ? 

ಎನ್ನುವ ಆತಂಕವ ತೊರೆದು

ಯಾಕಿಷ್ಟು ನಗು, ಹೊಡೆತಗಳ

ನಡುವೆ ಈ ನೊರೆಯುಕ್ಕೊ ಹಾಲ್ಗಡಲು..

ಯೋಚಿಸುತ್ತಾ ಹೋದರೆ

ಅಲೆದಾಡುವ ಮನಕ್ಕೆಲ್ಲೋ

ಶುದ್ಧ ಗಾಳಿ ದೊರೆತಂತೆ ಆಹ್ಲಾದ!

ಬದುಕಲು ಉಸಿರಾಡಿದರೆ

ಈಗೆಲ್ಲಾ ಎದೆಯೊಳು ತುಂಬಿಕೊಳ್ಳುವಂತೆ

ದೀರ್ಘ ಉಸಿರಾಟ

ಆಯುಷ್ಯವ ಹೆಚ್ಚಿಸಿಕೊಳ್ಳಲು

ಹೊಸ ತರ ಹೊಸತನಗಳೆಂದರೆ

ಇದುವೆ ಏನೋ?! ; 

ಇನ್ನೂ ಇವೆಯೋ?!

ಹೇಳಲಾರೆಯ ನೀ ಕುಳಿತು

ಪಕ್ಕದಲ್ಲೊಮ್ಮೆ ಹೀಗೆ...

ಗಲ್ಲದ ಮೇಲೆ ಕೈಯಿಟ್ಟು 

ನಿನ್ನ ಕಲಿಯುತ

ಕೇಳುವಾಸೆಯಾಗಿದೆ....

20/02/2015