ಕವನ

ಸುತ್ತಿ ಬರುವ ಚಾಟಿಯೇ ಲೇಸು

ಎಷ್ಟು ರಭಸದಿ ದೂರ ಬೀಸಿದರೂ

ಅಷ್ಟೇ ವೇಗದಿ ಬಂದಪ್ಪುವುದು

ಸುತ್ತಿ ಬರುವ ಚಾಟಿಯೇ ಲೇಸು

ಮೃದುವಾಗಿ ಮುಡಿದರೂ

ಸಂಜೆ ಬಿಸಿಲ ಮುನ್ನ 

ಮುದುಡುವುದು ಮೊಲ್ಲೆ ಹೂ; 

ಸುತ್ತಿ ಬರುವ ಚಾಟಿಯೇ ಲೇಸು

ಬೊಗಸೆ ತುಂಬಾ ಹಿಡಿದ ಪ್ರೀತಿ

ಬಂಡೆಗಲ್ಲ ಮೇಲಿರಿಸಿದರು; 

ಚಿಗುರಲಿಲ್ಲ, ನಿಲ್ಲಲಿಲ್ಲ

ಈ ಸುತ್ತಿ ಬರುವ ಚಾಟಿಯೇ ಲೇಸು

ಹೆಮ್ಮೆಯಲಿ ತಿರುವಿದ ಮುಂಡಾಸು

ಗಾಳಿ ಮಳೆಯ ಎದುರಿಸಲಿಲ್ಲ

ಶಿರ ತೋಯ್ದಿದೆ ಬಾಗಿದೆ

ಸುತ್ತಿ ಬರುವ ಚಾಟಿಯೇ ಲೇಸು!

ಎಷ್ಟು ರಭಸದಿ ದೂರ ಬೀಸಿದರೂ

ಅಷ್ಟೇ ವೇಗದಿ ಬಂದಪ್ಪುವುದು

ಸುತ್ತಿ ಬರುವ ಚಾಟಿಯೇ ಲೇಸು

ನೋವಿನೊಳೂ ಜೊತೆಗಿರುವ 

ಚಾಟಿಯೇ ಲೇಸು...

ಈ ಚಾಟಿಯೇ ಲೇಸು!

05/01/2015