^^^^^^^^^^^^^^^^^^^^^^^^^

ನನ್ನ ಪ್ರತೀ ಹುಮ್ಮಸ್ಸಿಗೂ
ವ್ಯಂಗ್ಯವಾಡುವ ಅವಳು
ಕಾರಣ ಹೇಳದೆ ದೂರಾಗಿದ್ದು
ಒಂದು ದಿವ್ಯ ವಿದಾಯ;
ಈ ನನ್ನ ಪ್ರತೀ ಹುಂಬತನಕ್ಕೂ
ಗರಿಕೆದರಿ ಬಣ್ಣ ತುಂಬಿಸೊ ಇವಳು
ಹತ್ತಿರಾದಾಗಿನಿಂದ ಹೊಸ ಸುಪ್ರಭಾತ!

^^^^^^^^^^^^^^^^^^^^^

ಕಾಲದೊಳೆಲ್ಲೋ ಕಳೆದು
ಮತ್ತೆಲ್ಲೊ ಸಿಲುಕಿಕೊಂಡೆವು
ಎನ್ನುವುದೆಲ್ಲವೂ ಸುಳ್ಳೇ
ನಾವಿದ್ದ ತಾಣದಲ್ಲೇ ನಾವಿದ್ದೇವೆ,
ಮುಂದಣ ಹಜಾರವಷ್ಟೇ
ಮಾರ್ಪಟ್ಟಿದೆ
ಆಸೆಗಳು ನಮ್ಮ ಕಲ್ಪನೆಗಳನು
ಓಡಿಸಿದಂತೆ,,
ಎಂತಹ ದುರಂತ?!
ನಿಲ್ದಾಣದಲ್ಲೇ ನಿಂತು ಮುಂದಲೂರಿನ
ಕನಸು ಕಂಡಂತೆ...

27/09/2014