ಎನ್ನ ಕುರಿತು ಕವನ ಬರೆಯೆಂದ
ಪೋರರೆಲ್ಲಾ ಸೋತು ಹೋದರು
ತಲೆಯಾಡಿಸಿ ಕೂತ ನನ್ನೆದುರು,
ಹೀಗೊಂದು ಸುಳಿ ಗಾಳಿ ಗೆಳೆಯ
ಕವಿತೆ ಕಟ್ಟಿ ಕಟ್ಟಿಸುತ್ತಿದ್ದಾನೆ
ಗಾಳಿಯಿದ್ದಷ್ಟು ಕಾಲ ನಾನೂ ಹಾಡುವೆ
ಹಾಡಿಸೊ ಜಾಣತನ ಅವನದಷ್ಟೇ,,

29/09/2014

^^^^^^^^^^^^^^^^^^^^^^^^^^^^

ಪ್ರೀತಿಸುವೆ ನಿನ್ನ ನಾ ಎನಲು
ಅಡ್ಡವಾದದ್ದಾದರೂ ಎನ್ನ ಅಹಂ ಎನ್ನದಿರು
ಏನು ಮಾಡಲಿ, ನಾನೂ ಅಂತೆಯೇ ಭಗ್ನಗೊಂಡ ಕನಸಿನವಳು
ಭಯವಿರುವುದಾದರೂ ಎದುರಾಗೋ ತಿರಸ್ಕಾರಗಳದ್ದು,,,
,,,,,, ನಿನಗೂ ಹಾಗೆಯೇ?!

28/09/2014

^^^^^^^^^^^^^^^^^^^^^

ಮನಸಿಗಿಳಿಯಲು
ಹುಲುಸು ಸಮಯವ
ಕಾಯಲೇ ಬೇಡ ನೀ
ಮರಿ ಜಿಂಕೆ ಜಿಗಿವಂತೆ
ಜಗಿದು ಸೇರಿಕೊ
ಕಸಿವಿಸಿಯ ಬಿಸಿಯುಸಿರ
ಈ ಎದೆಯೊಳಗೆ
ಕಣ್ಣೆವೆಗಳಪ್ಪವ ಮುನ್ನ
ನಶೆಯ ಕಣ್ಣೊಳಗೆ
ನನ್ನಯ ಕನಸೊಳಗೆ

27/09/2014