ಉತ್ತರಿಸಬೇಕಿಲ್ಲ 

ಯಾರಿಗೂ

ಆದರೆ ತಪ್ಪದೆ

ಆತ್ಮಸಾಕ್ಷಿಗೆ,

ಪ್ರೀತಿ ಇದೆ 

ಪ್ರೀತಿಸುವೆ

ತನ್ನ ಮಗುವಂತೆ 

ಪ್ರೀತಿಸುವ

ಅವನನು,

ದಾರಿ ಬಿಡಿ,,

ಆ ಮೌನಿಯ 

ಹುಡುಕಾಟದಲ್ಲಿರುವೆ

ಕಾಡದಿರಿ ಕಾಲೆಳೆದು,,

ಬಿದ್ದರೂ ಅವನೇ

ಹಿಡಿದಾನು ಬಂದು,,,,

***

ಪ್ರೀತಿಸೋ ಮನವಿದೆ ಪ್ರೀತಿಸಲಾರೆ,,

ಕಟ್ಟುಪಾಡೆನ್ನಲೇ? ಬಂಧನವೆನ್ನಲೇ?

ಮೀರಿ ಪ್ರೀತಿಸಿದರೆ ನೀನೂ ಸರಿದುಬಿಡುವೆ

ನನ್ನ ತೀವ್ರ ಪ್ರೀತಿಗೆ ಬೆಚ್ಚಿದಂತೆ

ನನ್ನನೇ ಸ್ವಾರ್ಥಿಯೆನುತ,

ಅರಿಯಲಾಗದ ಹೆಸರಿಡಲಾಗದ ನೆವಗಳು

ನನ್ನನಿನ್ನೂ ಹೀಗೆ ಅಲೆಸಿವೆ 

ಹುಡುಕಿ ನಿನ್ನೆದುರುಕೊಳ್ಳಲಾಗದಂತೆ

ಭಾವಕ್ಕೇ ಭಾವ ತುಂಬಿಸುತ 

ಪದಕಷ್ಟು ಪದ ಜೋಡಿಸುತ ನಿರಂತರ,,, 

***

ಓಟಕ್ಕೊಂದು ವೇಗವಿರಲಿ

ದಿಕ್ಕು ಬದಲಾದರೂ

ದಾರಿಗುಂಟ ಪ್ರೀತಿ ಇರಲಿ

ಮತ್ತೊಬ್ಬನೂ

ಅನುಯಾಯಿಯಾಗುವಂತೆ

ಸವೆದ ಮುಳ್ಳುಗಳೂ

ಫಳಫಳನೆಂದು ಹೊಳೆದಂತೆ,,

ಆ ಹಾದಿಯೂ ಮತ್ತೆ ಮತ್ತೆ 

ಪ್ರೀತಿಯೊಳೆನ್ನ ನೆನೆವಂತೆ,,,,

ಜೀವನವೇ ಪ್ರೀತಿ, ,,

15/04/2014

***

ನೋಡ್ತಾ ನೋಡ್ತಾ ರಾಗ

ಅನುರಾಗ

ಹಾಡ್ತಾ ಹಾಡ್ತಾ ಮೋಹ

ಶುಭಯೋಗ,,

14/04/2014