ಈ ಸಂಜೆಯ ಮಳೆಯನು
ಅನುಭವಿಸದಾದೆ
ಎಲ್ಲಿ ನಿನ್ನ ಕುರಿತು
ಬರೆದುಬಿಡುವೆನೋ
ಎನಿಸಿ...
*****
ಅಪಾರ್ಥಗೊಂಡ ಉತ್ತರಗಳು
ಎಂದಿಗೂ
ನನ್ನ ಪ್ರಶ್ನೆಗಳ ನಿರೀಕ್ಷೆಯ
ತಲುಪದಿರಲಿ
ನನ್ನದೇ ದಡ್ಡತನಕ್ಕೆ
ಪ್ರಶ್ನೆಗಳು
ಮೌಲ್ಯ ಕಳೆದುಕೊಂಡು
ಅವರೆದು
ನನ್ನ ಅವಮಾನಿಸದೆ..
****
ಬೇಕಿತ್ತು
ಇಲ್ಲದೆಯೂ ನಡೆಯುತ್ತಿತ್ತು
ಎನ್ನುವುದರ ನೆಡುವೆ
ಸಿಕ್ಕರೆ
ಎಂದಿಗೂ
ಏನೂ
ಪಡೆದ
ನೆಮ್ಮದಿ
ಇರುವುದೇ
ಇಲ್ಲ
ನಾನು
ಬೇಡವಾಗಿಯೇ
ಉಳಿಯಲಿಚ್ಛಿಸುವೆನು...
****
ಉಬ್ಬುವುದೂ ಇಲ್ಲ ತಗ್ಗುವುದೂ ಇಲ್ಲ
ಈ ದಾರಿ
ಕುಡಿದ ನೀರೇ ಅಲುಗಾಡದು
ಈ ದಾರಿ
ಬಲು ಸೋಮಾರಿ...
14/04/2015
*****
ಪ್ರಶ್ನೆಗಳಿದ್ದವು
ಉತ್ತರವೇ ಇರಲಿಲ್ಲ
ಈಗ
ಉತ್ತರಗಳೋ ಉತ್ತರಗಳು
ನನ್ನದು
ಪ್ರಶ್ನೆಗಳೇ ಇಲ್ಲ. .
******
ಹೆಚ್ಚೆಚ್ಚು ಕೂಡಿಟ್ಟಿದ್ದೆ
ಎಲ್ಲವೂ ಮಾಯ
ಅದ್ಯಾರದೋ ಕೈಲಿ ಜೋಲಿ
ಈಗೇನೂ ಕೂಡಿಡುವುದಿಲ್ಲ
ಬಿಸಿಲಿಗೆ ಹರಡಿ
ನೋಡಿ ಆನಂದಿಸುವೆನು
ಅದರೊಳು ಕೆಲವು ಆವಿ
ಕೆಲವು ಅರಳಿ
ಉಳಿದುಕೊಂಡವು ನನ್ನಲಿ
13/04/2015
No comments:
Post a Comment