Wednesday 9 December 2015

ಪದ್ಯ

ನನ್ನ ಸೋಲು


ಕೊನೆ ಪಕ್ಷ
ನನ್ನ ಸೋಲನ್ನಾದರೂ
ಸ್ವೀಕರಿಸಿ..
ಮುಂದೆ ನೀವು
ಮತ್ತೆ ಮತ್ತೆ ಸೋಲಿಸಬಹುದು... 

ನೀವು ಕಡೆಗಣಿಸಿದ ನನ್ನ ಸೋಲೂ ಸಹ
ಎದ್ದು ನಿಲ್ಲುವುದು
ಗೆಲುವನ್ನೆಚ್ಚರಿಸಲು ಇಲ್ಲದ ಹಠತೊಟ್ಟು
ದಯಮಾಡಿ ಸ್ವೀಕರಿಸಿ..

ಗೆದ್ದೆನೆಂದರೆ ಅದು
ನಿಮ್ಮನ್ನೇ ಸೋಲಿಸುವುದಲ್ಲ
ಸೋತ ತಾಣಗಳಿಂದ
ಬೇಡಿಕೆಯಿಲ್ಲದೆ ಹೊರಗುಳಿವುದು
ಒಪ್ಪದ ನಿಮ್ಮನಗಳ ಗೆಲ್ಲುವ ಪ್ರಯತ್ನಗಳ ಕೈಚೆಲ್ಲಿ..

ಸೋತು ಬಿಡಿ
ಈ ನನ್ನ ಸೋಲುಗಳನ್ನು 
ಪೋಣಿಸಲು ಒಪ್ಪಿಬಿಡಿ

ನೀವು ಒಪ್ಪದ ಹೊರತು
ಗೆಲ್ಲುವುದು
ನನಗೆ ಅನಿವಾರ್ಯವಾದೀತು
ನೀವು ಗೆದ್ದೀರಿ ಹೌದು
ಹೀಗೂ ಸೋತುಬಿಡಿ
ಈ ಸೋಲುಗಳನ್ನೊಪ್ಪುವ ನನ್ನ ಮಾತಿಗೆ

ಸೋಲಿಗಾದರೂ ಬೆಲೆ ಕಂಡೆನೆಂದು
ಹೀಗೆ ಹಿಗ್ಗುವೆ..
ಕಳೆದು ಕೂಡುವೆನೆಂದುಕೊಂಡೆ
ಶೂನ್ಯವಾಗುಳಿದೆ
ಭಾಗಿಸಲು ಬಂದ ಸೋಲುಗಳಿಗೆ
ಇನ್ಫಿನಿಟೀ ಆದೆ..!
ನಗುವಿದೆ, 
ಈ ಸೋಲುಗಳಿಗೋ, ಅರ್ಪಣೆಗೋ..
ಸೋಲಿನ ಖಿನ್ನತೆಯು ತಲೆಗೇರಿ
ನಕ್ಕೇನು ...
.........
ನಗುವುದು ಮುಖ್ಯವಷ್ಟೇ...

07/12/2015

No comments:

Post a Comment