ಅತೀ ಪ್ರೀತಿಯಿಂದ

ಕೊಟ್ಟಷ್ಟು ಮುತ್ತುಗಳಿಗೆ

ಕಾರಣಗಳು ಹುಟ್ಟಿದಾಗ

ಒಲುಮೆಯ ಕಂದನತ್ತು ಸೊರಗಿದ

ಕಂಗಾಲಾದ ಮುತ್ತಿನೊಡತಿ

ತೊಟ್ಟಿಲ ತೂಗುವುದ ನಿಲ್ಲಿಸಿ

ಕಾರಣಗಳ ಹುಟ್ಟಿನ ಕಾರಣಗಳ ಜಾಡ ಹಿಡಿದು

ಎಲ್ಲಿಗೋ ಹೊರಟಳು..

ಮಗುವಿನ ಅಳುವಿಗೆ ಕಿವಿ ಕೈ ಇಲ್ಲ...

********

ದಿಕ್ಕಿಲ್ಲದೆ ಸಾಗುವ ಮಾರ್ಗ

ದಿಕ್ಕಿಲ್ಲದೆ ಸಾಯುವ ಕನಸು

ಮುಟ್ಟೀತೇನೋ ಮುಟ್ಟಿಲ್ಲದೂರುಗಳ

ತಟ್ಟೀತ್ತೇನೋ ದಿಕ್ಕಿಲ್ಲದ ದ್ವೀಪಗಳ..

*******

ಕಾತರಿಸುವವರ ಕೈಗೆ ಸಿಗದೆ

ತಪ್ಪಿಸಿಕೊಂಡ ಚಿಟ್ಟೆಯೇ

ಗೆಲುವೆಂದುಕೊಂಡ ನಿನ್ನ ಸೋಲು

ಹೂವೇ ಚಿಮ್ಮಿತು ನಿನ್ನ ಕಾಲು ಕಿತ್ತು

ರೆಕ್ಕೆಯಲಿದ್ದಷ್ಟು ಹೊತ್ತು ತ್ರಾಣ

ನಿನ್ನ ಹಾರಾಟ ಆಯಸ್ಸು 

ಮಾಸದ ಸೌಂದರ್ಯವಿಟ್ಟುಕ್ಕೊಂಡು 

ಸುಂದರವಾಗಿ ಸಂಗಾತಿಯಿಲ್ಲದೆ ಸಾಯುವ

ನಿನ್ನ ಒಂಟಿತನಕೆ ಸೆಡವು ಎನ್ನಲೇ ಗತ್ತೋ ಇಲ್ಲ ಮುಗ್ಧತೆಯೋ... 

ಅಂತು ನಿನ್ನ ನಂಬಿಕೆಗೆ ಸಾವಾಯ್ತು... 

ನಿಷ್ಟೆಗಳಿಗೆ ನಷ್ಟದ ಹೂರಣವಾಗಿ...

31/12/2015