''ಅವಳು''........
ಅವರು ಅಂದುಕೊಂಡರು
ಅವಳು ನನ್ನ ಬಿಟ್ಟು ಬದುಕಲಾರಳೆಂದು
ಅವರು ಅಂದುಕೊಂಡರು
ಅವಳು ಮತ್ತೆ ಮತ್ತೆ ತಿರುಗಿ ಬರುವಳೆಂದು
ಅವರು ಅಂದುಕೊಂಡರು
ಅವಳು ಹೆಣ್ಣು; ನನ್ನ ಬಿಟ್ಟು ಬದುಕಲಾರಳೆಂದು
ಅವರು ಬದುಕಲಾರರು ಈಗ
'ಅವಳು' ಎನ್ನುವ ಹೆಸರ ಬಿಟ್ಟು!

21/10/2014


############################


ಕವಿ, ಕವಿತೆ ಕಲ್ಪನೆಗಳಲ್ಲೇ
ಕಳೆದು ಹೋಗಿ
ವಾಸ್ತವದಲಿ ದಾಪುಗಾಲನಿಟ್ಟು
ಅರಿಯದ ಜೀವನದಲಿ
ಸೋಲುತ್ತಲೇ ನಗುತ್ತಿದ್ದ
ಕವಿಯ ಕಲ್ಪನೆಗಳಲ್ಲಿ ಬರೀ ಗೆಲುವೇ
ಸೋಲಿಗಂಟದ ಗೆಲುವು
ಅದೊಂದು ಮೊದಲನೇ ಸಹೃದಯ!


##############################


ದೊಡ್ಡ ದೊಡ್ಡವರೆಲ್ಲಾ ದೊಡ್ಡ ಮನೆಯಂಗಳದಲಿ
ನಾನೋ ಪುಟ್ಟ ಹುಡುಗಿ; ತಲೆ ಕೆದರಿದವಳು
ಲಂಗದಲ್ಲಷ್ಟು ಅಕ್ಕಿ ನುಚ್ಚು, ಬಾಗಿ ಬಾಗಿ ಬಾಗಿಲಿಗಿಡುವೆ
ಮುಂದಲೆ ಕೂದಲ ಒರಟಾಗಿ ಹಿಂದಕೆ ಸರಿಸುತ
ಅಂಗಳದ ಇರುವೆ ಗೂಡುಗಳಿಗೆ;
ಕಚ್ಚದವು ನನಗೆ ಮೆಚ್ಚುಗೆ ಇದೆ ಮನದೊಳಗೆ

20/10/2014