ನನ್ನ ಸಾಲುಗಳು,,,

ಹಿಂದಿರುಗಲಾರದ ಅಹಂ ಬೆಳದ

ಈ ದಿನಗಳಲ್ಲಿ,

ಹೆಜ್ಜೆ ಗುರುತ ಅಗೆದು ತೋರಿಸೊ

ಒಂದು ಹಂತ,

ನಾನೇನಾ ಆ ಸಾಲುಗಳು 

ಎನಿಸುವಷ್ಟು ಮರೆವು,

ಹೀಗೆಲ್ಲಾ ಕನಸೇ? ಕನವರಿಕೆಯೇ?!

ಹೀಗೂ ಒಬ್ಬ ಚಂದಿರ ಮಾಧವನಾಗಿದ್ದ,

ರಾಧೆಗೂ ರಮಿಸೋ ಸ್ನೇಹವಾಗಿದ್ದ,

ಎಲ್ಲಿಯೋ ರಾಮ, ಮತ್ತೆಲ್ಲೋ ಮರೆಯ ರಾವಣ,

ಕಣ್ಣೀರ ಕಾರಣವಾಗಿದ್ದೂ, 

ನೋವ ಮರೆವ ಸಾಧನಕೂ ಮಾರ್ಗವಾದ

ನನ್ನವೇ ಸಾಲುಗಳು ನನ್ನಲೇ ಹಲವು ಪ್ರಶ್ನೆಗಳು,

ನಾನು ಬದಲಾದರೂ ಬದಲಾಗದ ಆ ಸಾಲುಗಳು,

ನೋವಿನೊಂದಿಗೆ ನನಗಿಲ್ಲದ ನಿಷ್ಠೆ,

ಸಾಲುಗಳಿಗೆ ಸೋಲಿಲ್ಲದ ಪ್ರತಿಷ್ಠೆ!

ನಾ ಸೋತೆನಾದರೂ, ಸಾಲುಗಳವು

ಎಂದಿಗೂ ಗೆದ್ದಿವೆ, ಗೆಲ್ಲಿಸುತ್ತಲಿವೆ,

ರಾಧೆಗೋ ರಾವಣನಿಗೋ

ಸೋಲು-ಗೆಲವುಗಳ ಹಂಚುತ!

06/08/2014