ಇಡಿ ಇಡೀ ಗುಲಾಬಿಯನ್ನೇ
ಕಿತ್ತಿದ್ದರೆ ಲೇಸಿತ್ತು
ಕನಸಿನ ತೋಟದಿಂದ
ಒಂದೊಂದೇ ಪಕಳೆಗಳ ಸೆಳದಂತೆ ಕಿತ್ತರಲ್ಲ
ವಿಧಿಯೆಂಬೋ ಮಾಂತ್ರಿಕ
ಅತ್ತರೂ ಈಗ ಕಣ್ಣೀರಿಲ್ಲ
ಕಾದು ಆವಿಯಾದ ಕಣ್ಣುಗಳಿಂದ.. !
************
ಕತ್ತಲೆಯೇ ಚೆಂದವಿತ್ತು
ಅಲ್ಲಿ
ನಾ ಕಾಣುತ್ತಿರಲಿಲ್ಲ
ನನ್ನ ಕನ್ನಡಿಯಲಿ
ಅದಕೂ ಮುನ್ನ
ಕನ್ನಡಿಯೇ ಇಲ್ಲವೆಂದೂ
ಗೊತ್ತಾಗುತ್ತಿರಲಿಲ್ಲ.. !
ಬೆಳಕು ಹರಿದು
ವಿಧಿಯ
ಹುಡುಕುವಂತಾಯಿತು.. !
*****
ಎಲ್ಲವನ್ನೂ ಕೇಳಿಯೇ
ಪಡೆಯುವುದಾದರೆ
ನನ್ನ ಬೇಡಿಕೆಗಳಿಗೆ
ವಿಧಿ ನನ್ನನು ಮೂಗಿಯಾಗಿಸಿದೆ!
ನಾನೂ ಅನುಪಾಲಿಸುವೆ..!
ಹಟವೇ ಇಲ್ಲದೆ..
22/06/2015
*****
ಹುಡುಗ,
ನಿನ್ನೊಂದಿಗೆ ಮಾತನಾಡುವಾಗ
ನಾನೋ ಒರಟು
ಮೃದುತ್ವಕ್ಕೆ ನೀ
ಕರಗದಿರಲೆಂದು..!
21/06/2015
No comments:
Post a Comment