Sunday, 4 October 2020

ಪದ್ಯ: ಆಶಯ

ಹೊಸದಾಗಿ ಏನೋ ಶುರು ಮಾಡಬಹುದು
ಎನಿಸಿದಾಗ ತುಸು ಸಾಂತ್ವಾನ 
ಸಿಕ್ಕಂತಾಗುತ್ತದೆ. 
ಆದರೆ ಹೊಸದಾಗಿ
ಎಲ್ಲವನ್ನೂ ಮತ್ತೆ ಮತ್ತೆ ಶುರು
ಮಾಡುವಂತಿಲ್ಲವಲ್ಲ...?
ಅದಕ್ಕೆ 'ಶುರು ಮಾಡೋಣ' 
ಅಂತಷ್ಟೇ ಅಂದುಕೊಳ್ಳುತ್ತೇನೆ
ಆದರೆ ಯಾವುದೂ ಶುರುವಾಗುವುದೇ ಇಲ್ಲ

 ಹಳೆಯ ಚಿತ್ರಗಳೊಮ್ಮೆ
ತೆರೆದು ನೋಡುತ್ತೇನೆ
ಕೆಲವು ರಂಚಿತ ಬಹಳಷ್ಟು ವಿಷಾದ
ಈಗಿನ ಚಿತ್ರಕ್ಕೆ ಬಂದರೆ
ಬಹಳಷ್ಟು ಬಣ್ಣ ತುಂಬುವ ಅವಕಾಶ

ತುಂಬಿದಷ್ಟು ಎಲ್ಲೋ ಹೇಗೋ ಸೋರಿ ಹೋಗುತ್ತಿರುವ 
ಕಪಟತನಕ್ಕೆ ಎಲ್ಲಿಲ್ಲದ ದುಗುಡ! 
ಇಷ್ಟಕ್ಕೆ ಹೇಗೆ ನಿಲ್ಲಲಿ..? 
ಹಟಕ್ಕೆ ಬಿದ್ದು ಚಿತ್ರ ಬರೆಯುವ ಪುಸ್ತಕ ಕೊಂಡಿರುವೆ
ಜೀವನ ಕೊಟ್ಟ ಕುಂಚವ ಹಿಡಿದು
ಸೋರಿದಲ್ಲೆಲ್ಲಾ ಮತ್ತೆ ಬಣ್ಣ ತುಂಬುತ್ತಲಿರುವೆ

ಸೊಗಸೆನಿಸದಿದ್ದರೂ  ಕೆಲಸಗಳಾಗಿವೆ..😊... 

ಮತ್ತೆ ಶುರು ಮಾಡುತ್ತೇನೆ
ಬಣ್ಣ ಬಳಿಯುವ ಕೆಲಸವ
ಸೊಗಸಿಗಲ್ಲ... 
ಕೂತು ಸೋಮಾರಿಯಾಗಬಾರದಲ್ಲ
ಈ ಹಳೆಯ ಮನಸ್ಸು!

03/10/2020

No comments:

Post a comment