ಪದ್ಯ: ಮಳೆ

ಹ್ಞೂ...

ಮತ್ತೆ ಮಳೆಯ ಗಾಳಿ

ಈ ಸಂಜೆಗೆ,

ಎಲ್ಲೊ ಕಳೆದು ಹೋದ

ಹನಿಗಳನ್ನು ಬೊಗಸೆಯಲ್ಲಿ

ಸೆರೆ ಹಿಡಿವ ಆಸೆ..

ಹೇಳು ಕರಗುವೆಯಾ?

ಕಲ್ಲು ಮೋಡವೇ

ಅದು ಹೇಗೆ ಉದರಿಬಿಡುವೆ

ತಂಗಾಳಿ ಸೋಕಿದೊಡನೆ?!

ಒಂದಿನಿತು ನಿಲ್ಲಬಾರದೆ

ಈ ಎಲೆ ಅಲುಗಾಡದ ಊರಿನಲಿ

ನಿನ್ನ ಸೆರೆ ಹಿಡಿವ ಆಸೆ

ಹೇಳು ಬಂದು ನಿಲ್ಲುವೆಯಾ?

ಹ್ಞೂ, ಮತ್ತೆ ಮಳೆಯ ವಾಸನೆ

ಈ ಸಂಜೆಗೆ

ಎಲ್ಲೋ ಕಳೆದು ಹೋದ

ನನ್ನನೇ ನಾ ಕೈಹಿಡಿಯಬೇಕಿದೆ

ಒಂದೆರೆಡು ಮಳೆಹನಿಗಳ ತಂಪನೆಗೆ

ಎಚ್ಚರಿಸಿಕೊಳ್ಳಬೇಕಿದೆ

ಈ ಸಂಜೆಗೆ ಇದುವೇ ನನ್ನಾಸೆ

ಹೇಳು ಮಳೆಯೇ

ಮಡಿಲಾಗುವೆಯಾ?!

‌june 5, 2018